တင်ဆက်သူ
ဘဝက ဇာတ်ခုံကြီးတစ်ခုဟု ဆိုကြပါစို့။ သို့ဆိုလျှင်ဖြင့် ခင်ဗျား၊
ကျွန်တော်၊ သူသည် အချင်းချင်း တင်ဆက်နေသော ဇာတ်သမားများ၊ သရုပ်ဆောင်များသာ ဖြစ်ချိမ့်မည်။
ခင်ဗျား ဘာအလုပ်လုပ်လဲ ကျွန်တော်မသိသလို ကျွန်တော် ဘာအလုပ်လုပ်လည်း
ခင်ဗျားသိနေစရာမလိုပါ။ ထို့အတူ ခင်ဗျားနဲ့ ကျွန်တော့်အကြောင်းလည်း သူသိစရာမလိုပါ။ အဓိကလိုအပ်သည်က
ကျွန်တော်တို့အချင်းချင်းတွေ့ဆုံသည့် အခိုက်အတန့်တွင်တစ်ယောက်နှင့်တစ်ယောက် အပြုံးများဖြင့်
ဖျော်ဖြေကြမည်။ အမုန်းများဖြင့် ဖျော်ဖြေကြမည်။ အာဃာတများဖြင့် ဖျော်ဖြေကြမည်။ မုဒိတာများဖြင့်
ဖျော်ဖြေကြမည်။
ကျွန်တော်တို့ ဆုံစည်းခိုက်ဝယ် တစ်ဦးနှင့်တစ်ဦးဖျော်ဖြေကြဖို့သည်သာ
အဓိက မဟုတ်ပါလား။
ဘဝကြီးက ပုံသေကားချပ်ဆန်လွန်းတယ် ဟု တချို့တလေက ညည်းဆိုကြသည်။
သို့ဆိုလျှင်ဖြင့်သူတို့သည် တသမတ်တည်းသရုပ်ဆောင်နေရသောသရုပ်ဆောင်ဘဝကို ငြီးငွေ့နေခြင်းသာ
ဖြစ်ပေလိမ့်မည်။တချို့က ဘဝကြီးကကြမ်းတမ်းလွန်းတယ်ဟု ညည်းတတ်ကြပြန်သလို တချို့ကျတော့လည်း
ဘဝကြီးက ပျင်းဖို့ကောင်းတယ်ဟု ညည်းတတ်ကြပြန်သေးသည်။ ကိုယ်သရုပ်ဆောင်ရမည့်နေရာကို ပိုင်နိုင်စွာ
သရုပ်မဆောင်နိုင်တော့သည့်အခါ ဖြစ်ပေါ်လာတတ်သောစိတ်ငြီးငွေ့မှုတစ်မျိုးပင်ဖြစ်ပေလိမ့်မည်။
ကျွန်တော်သည်လည်း ယခုတလော ကိုယ့်ဘဝကိုယ် ငြီးငွေ့နေမိသည်။ ကျွန်တော်
သရုပ်ဆောင်ရမည့် အပိုင်းကို ပိုင်နိုငစွာသရုပ်ဆောင်ဖို့ စွမ်းရည်တို့ ကျဆင်းလာခြင်းကြောင့်
ဖြစ်သည်။ စွမ်းရည်ဆိုသည်မှာ အဃာတခြင်း ပြိုင်ဖို့ ကျွန်တော့်တွင် ဒေါသရှိမှရမည်။ သို့သော်
ကျွန်တော့်တွင် ဒေါသဆိုသော စွမ်းရည်ပျောက်ဆုံးနေသည်။ ဘဝဝယ် ပျော်ရွှင်နေကြောင်း ပြသဖို့ရာ
အပြုံးတွေ လှိုင်လှိုင်ကြီးပွင့်ပြရမည်။ သို့သော် ကျွန်တော့်တွင် အပြုံးတို့ပွင့်ဖို့ရာ
ပျော်ရွှင်မှုတို့ ဆိတ်သုဉ်းနေပြန်သည်။ ဒေါသ၊ ပျော်ရွှင်မှု၊ ဝမ်းသာမှု၊ ဝမ်းနည်းမှု စသော
စွမ်းရည်တို့ ပျောက်ဆုံးနေပြီဆိုလျှင် တင်ဆက်သူကောင်းတစ်ယောက် ဖြစ်နိုင်ဦးမည်လား။
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
ငြီးငွေ့နေသော အရာများမှ လွတ်မြောက်ရန် မျက်လုံးကို ခေတ္တမှိတ်လိုက်ဖို့
လိုပါသည်။ စက္ကန့်အနည်းငယ်မျှ မှိတ်ကြည့်ပါ။ အရာအားလုံးကို နားထဲဝယ် မကြားသယောင် နေကြည့်ပါ။
ထို့နောက် ပြန်ဖွင့်ကြည့်ပါ။ ပထမ မြင်နေရသော ငြီးငွေ့သည့်အရာထက် အနည်းငယ်တော့ ဆန်းသစ်လာမည်မှာ
အမှန်ပင်ဖြစ်၏။
ဆိုကြပါစို့။ ခင်ဗျား၊ ကျွန်တော်၊ သူသည် အသက်အရွယ် အပိုင်းအခြားတစ်ခုစီ၌
အသက်ရှင်နေကြသည် ဆိုကြပါစို့။ ကျွန်တော်တို့ကြားဝယ် အသက်အရွယ်အပိုင်းအခြား ကွာခြားလေလေ
ကျွန်တော်တို့၏ စကားဝိုင်းသည် ခြောက်ကပ်လေလေ ဖြစ်မှာတော့ သေချာနေသည်။ ထိုအခါ ကျွန်တော်တို့
တစ်ယောက်နှင့်တစ်ယောက် လူမှုကျင့်ဝတ်တည်းဟူသော နွေးထွေးရင်းနှီးမှုရှိစေရန် ကျွန်တော်တို့အားလုံး
စိတ်ဝင်စားသည့် ခေါင်းစဉ်ကို ဖန်တီးရသည်။ သို့မှသာ ကျွန်တော်တို့၏ ဖျော်ဖြေပွဲကြီးသည်
ပို၍ အသက်ဝင်လာမည်မဟုတ်ပါလား။ ယခုကိုယ့်ဇာတ်ခုံကိုယ် ငြီးငွေ့နေသူများအတွက် သူတို့စိတ်ဝင်စားမည့်
ဆန်းသစ်သော ခေါင်းစဉ်တစ်ခု လိုအပ်နေသည်ဟု ပြောလျှင်လည်း မှားမည်မထင်ပါ။ တနည်းဆိုရသော်
ကိုယ်တိုင်စိတ်ဝင်စားသည့် ဆန်းသစ်သော ဇာတ်ကွက်တစ်ခုကို လိုအပ်နေပေသည်။
ကျွန်တော် ကျွန်တော့်ဇာတ်ခုံကို ငြီးငွေ့နေပါသည်။ ကနိုင်သော
စွမ်းအားတို့ကို ဖြည့်တင်းဖို့ရာ စိတ်ခံစားမှုအားနည်းနေသည်။ ထို့အတွက် ကျွန်တော်ကိုယ်တိုင်
စိတ်ဝင်စားနိုင်သည့်ဆန်းသစ်သော ဇာတ်ကွက်တစ်ခုသို့ ချိုးကလိုက်ရန် လိုအပ်နေသည်။ ထိုဇာတ်ကွက်သို့
ချိုးချလိုက်ရန်၊ ချိုးကလိုက်ရန် ကျွန်တော်ကိုယ်တိုင် ဖန်တီးရလေမည်လား။ သို့မဟုတ် ခင်ဗျား၊
သူက ဖန်တီးပေးလေမည်လား။
တင်ဆက်သူကောင်းတစ်ယောက်ဖြစ်ဖို့ရာ
ကနိုင်သော စွမ်းအားတို့ ပြည့်စုံမှ ရပေလိမ့်မည်။
“လမ်းဟောင်းအတိုင်းမလျှောက်ချင်ရင်
လမ်းသစ်ဖေါက်” တဲ့။ ထိုစကားလေးကို လူတော်တော်များများက ရေလဲသုံးတာကြားဖူးပါသည်။ ယခု
ကျွန်တော့်အတွက်တော့ ပြဇာတ်အဟောင်းကြီးအတိုင်းမကချင်လျှင် ပြဇာတ်အသစ်ကို ချိုးပစ် ဟူသည့်
စကားကို ပြောင်းရပေလိမ့်မည်။
ထိုပြဇာတ်အသစ်ကို
ချိုးဖို့ရာ ပြင်ပ အကူအညီယူရမည်လား။ သို့မဟုတ် ကိုယ်ကိုယ်တိုင် ဖေါက်ထွက်ကာ ချိုးချပစ်လိုက်ရမည်လား။
ခင်ဗျားလည်းကြုံဖူးသလို
သူလည်း ကြုံဖူးပါလိမ့်မည်။ အသစ်အဆန်းစားစရာများသည် မည်မျှပင်စားကောင်းစေကာမူ အချိန်ကာလတစ်ခုအထိတော့
ရောင်းအားတန့်နေတတ်ပါသည်။ ထိုစားစရာအပေါ် ယုံကြည်ကိုးစားမှုတစ်ခု တည်ဆောက်နိုင်ပြီဆိုသော
အချိန်မှသာ ထိုစားစရာသည် ရောင်းအားအကောင်းဆုံးအဖြစ်ရပ်တည်နေနိုင်သည်။ ထို့အတူ တပါးသူကြောင့်
ချိုးကလိုက်ရသော ဇာတ်သည် သူ့အလိုလို အဆင်ပြေသွားမှာပါလေ၊ မတတ်သာလို့ ဖြစ်သွားတာ အခြေအနေအတိုင်းလိုက်ကရုံပေါ့
ဟူသည့် စိတ်ဖြင့် ပြဇာတ်ကို ဆက်ကနိုင်စွမ်းရှိသေးသည်။ သို့သော် ကျွန်တော်ကိုယ်တိုင်ချိုးချမည့်
ဇာတ်သည် မည်မျှပင် ကောင်းနေစေကာမူ ချိုးချဖို့ ကြိုးစားမည့် ကျွန်တော်ကိုယ်တိုင် ကြောက်နေနိုင်ပါသည်။
စကားမစပ် မေးခွင့်ရှိက မေးချင်ပါသေးသည်။ “ခင်ဗျားကော ကိုယ့်ဇာတ်ခုံကိုယ် ငြီးငွေ့သည့်
စိတ် များ တစ်ကြိမ်တစ်ခါမျှ မဖြစ်ဖူးဘူးလား” ဟု။
ခင်ဗျားဇာတ်ခုံပေါ်မှ ပြဇာတ်များနှင့် ကျွန်တော့်ဇာတ်ခုံပေါ်မှ
ပြဇာတ်များကို တစ်ယောက်နှင့်တစ်ယောက် ရင်းနှီးနွေးထွေးစွာ တိုင်ပင်၍ ရပါသည်။ သို့သော်
မရောထွေးဖို့တော့ လိုအပ်ပေလိမ့်မည်။ ကျွန်တော့်ပြဇာတ်ကို ခင်ဗျားဝင်က၍မရသလို ခင်ဗျားကဇာတ်ကို
ကျွန်တော်ဝင်က၍မရပါ။ ကံဇာတ်ဆရာက ကခိုင်းသည့်အခါတွင်မတော့ ကိုယ်ကိုယ်တိုင် မသိပဲဝင်ကချင်
ကဖြစ်ပါလိမ့်မည်။ သို့သော် ထိုအချိန်မှစ၍ ခင်ဗျားနှင့်ကျွန်တော့်ကြား မသိနိုင်သော ထိတ်လန့်ကြောက်ရွံ့မှု၊
ရက်စက်ကြမ်းကြုတ်မှုတို့က အချိန်မရွေးဝင်လာနိုင်သည်။ ဇာတ်ထုပ်ခြင်းရောလိုက်၍ ရလိုက်သော
ပျော်ရွှင်ချမ်းမြေ့မှုဆိုသည်မှာ ရှားပါးလွန်းသည် မဟုတ်ပါလား။ ထို့ကြောင့် တောင်းဆိုလို့ရလျှင်ဖြင့်
တောင်းဆိုချင်ပါသေးသည်။ ကိုယ့်ဇာတ်မှာကိုယ် ဇာတ်ဆရာ လုပ်နေပါ ဟူ၍ပင်။
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
ကျွန်တော်ကြောက်သော၊ ကျွန်တော်ကိုယ်တိုင်မချိုးချင်သော ဇာတ်သည်
အကျိုးအမြတ်ရလာသည့်အခါတွင်လည်း ကျွန်တော့်အတွက် နည်းပါးနေမည်မှာအမှန်ပင်။ ထို့အတွက်
ကိုယ့်ပြဇာတ်ကိုချိုးဖို့ရာ သူတပါးကို အားကိုးဖို့ထက်ကိုယ်ကိုယ်တိုင်သာ ချိုးသင့်သည်ကတော့သေချာလှသည်။
ခင်ဗျား၊ သူ၊ ကျွန်တော်တို့သည် တစ်ချိန်တုန်းကတော့ဖြင့် ကိုယ့်ပြဇာတ်ကိုယ်
ချိုးကဖို့ရာ သူတပါးအား တာဝန်ပေးခဲ့ကြဖူးသည်။ တာဝန်ပေးခဲ့ကြဖူးမည်။ မနက်ခင်းကျောင်းတက်ဖို့ရာကိုပင်
ဘယ်ဝတ်စုံဝတ်သွားရမလဲ ဟု မေးခဲ့ကြဖူးသည် မဟုတ်ပါလား။ သာမန်ထမင်းစားသည့်အခိုက်အတန့်တွင်ပင်
ဘယ်ဟင်းကိုစားရမှာလဲဟု မေးခဲ့ကြသည်မဟုတ်ပါလား။ ယခု ကိုယ်ပိုင်ဆုံးဖြတ်ချက်ဖြင့် ရပ်တည်နေရသော
ကိုယ်တိုင်ဇာတ်ဆရာဘဝတွင်လည်း မသိလိုက်မသိဘာသာဖြင့် တပါးသူဖန်တီးပေးသော၊ (သို့မဟုတ်)
တပါးသူကို ဖန်တီးပေးရန်တောင်းဆိုကာ အချောင်ခိုမိခဲ့ကြဦးမည်။ သို့သော် သေချာနေသည့်အရာကတော့
သူတပါးကြောင့်ဖြစ်စေ၊ ကိုယ်ကိုယ်တိုင်ကြောင့်ဖြစ်စေ ကိုယ့်ဇာတ်ကိုယ် နိုင်အောင်ကရမည်ကတော့ကိုယ်ကိုယ်တိုင်၏
တာဝန်ဖြစ်သည်။
စကားမစပ် ကကွက်ပျောက်နေသော ကျွန်တော်သည် ခင်ဗျားနှင့် သူ့အကြား
ကပြဖျော်ဖြေနေသည့် အသုံးတော်ခံသတ္တဝါတစ်ကောင်အဖြစ် ရောက်နေပြီထင်၏။ အလှောင်ခံရသည်လည်း
ဖြစ်နိုင်၏။ သနားခံရသည်လည်း ဖြစ်နိုင်၏။ သို့သော် ကိစ္စမရှိပါ။
ကမ္ဘာကြီးသည်လုံးဝိုင်းသော သဘောရှိ၏။ သံသရာသည် လည်ပတ်နေ၏။ ခင်ဗျား၊
သူနှင့်ကျွန်တော်တို့၏ ဇာတ်ထုပ်ဝယ် တစ်နေရာရာတွင် အချိန်၊ အခြေအနေတို့တူညီစွာ ကပြရမည့်
အခန်းကဏ္ဍရှိနေနိုင်ပါသည်။ ထိုအချိန်ဝယ် ကျွန်တော်တို့အားလုံးသည် ကိုယ့်ဇာတ်ထုပ်နှင့်ကိုယ်
ဇာတ်ဆရာများဖြစ်ကြသည်မဟုတ်ပါလား။ လျှင်သူက တင်ဆက်သူကောင်းတစ်ယောက်အဖြစ်ကို ရောက်ရှိအောင်
ကြိုးစားပေလိမ့်မည်။ နောက်ကျကျန်ရစ်သူအတွက်ကတော့ အချိန်ကြာလေ ကိုယ့်ဇာတ်ထုပ်ကိုယ်ငြီးငွေ့လာလေ
ဖြစ်မည်မဟုတ်ပါလား။
Xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
ဘဝက ဇာတ်ခုံကြီးတစ်ခုဖြစ်သည်။ ခင်ဗျား၊ သူ၊ ကျွန်တော်သည်လည်း
တင်ဆက်သူများအမှန်ပင်ဖြစ်သလို ကိုယ့်ဘဝ၏ ပဲ့ကိုင်၇ှင်များ အမှန်ပင်ဖြစ်ကြသည်။
ကျွန်တော်တို့အားလုံးအတွက် လိုအပ်နေသည်က ကျွန်တော်တို့ ဆုံစည်းခိုက်ဝယ်
တစ်ဦးနှင့်တစ်ဦးဖျော်ဖြေကြဖို့သည်သာ အဓိက မဟုတ်ပါလား။ သို့သော်ကိုယ့်ဇာတ်ထုပ်သည်
ကိုယ့်အတွက်တော့ အမြဲလိုလို ဆန်းသစ်နေဖို့ လိုလိမ့်မည်။ ပုံသေဇာတ်ထုပ်ကြီးပေါ်ဝယ် အချိန်ကြာလေလေ
ကိုယ်ကိုယ်တိုင်ပါ ပုံသေဖြစ်ကာ စိတ်များပါ သေသွားနိုင်ပါသည်။
ကျေးဇူးပြု၍ ကျွန်တော့်ကို မနှောင့်ယှက်ပါနှင့်။ ကျွန်တော် မျက်လုံးအစုံကို
မှိတ်ထားပါသည်။ ကြားရသမျှ စကားအစုံကို မကြားအောင် နားပိတ်ထားပါသည်။ ကျွန်တော့်စွမ်းအားတို့
ပြန်လည်ရယူဖို့ရာ ကျွန်တော် မျက်လုံးအစုံကို မှိတ်ထားပါသည်။
“စကားမစပ် ခင်ဗျားကော အရာအားလုံးကို မေ့ပြီး မျက်လုံးလေးခဏမှိတ်မကြည့်ချင်ဘူးလား
။”
ရည်ဝေ