ချစ်သူ လို့ တိုးဖွဖွ ခေါ်လိုက်မိတယ်။ သူမကြားပေမယ့်
ကျွန်တော့်ရင်တွေတဆတ်ဆတ်ခုန်ပြီး ရှက်သွေးဖြာတယ်။ သစ်ပင်တစ်ပင်ရဲ့
ရင်ဖွင့်စာကို ကောင်းကင်ကြီးက ဖတ်ကြားပေးနိုင်ရင်ဘယ်လောက်ကောင်းလိမ့်မလဲ။
ဒါဆို ကျွန်တော့်ချစ်ခြင်းကို ငှက်ကလေးကော၊ တစ်ကမ္ဘာလုံးကောသိသွားလိမ့်မယ်။
(-)
တွေ့ဆုံမှုက
ထူးမခြားနား။ ကျွန်တော့် လက်မှာ လာနားတဲ့ ငှက်ကလေး။ သူ့ကို ကျွန်တော်
ချစ်မိသွားခဲ့တယ်။စက္ကန့်ပိုင်းအတွင်းတဲ့လေ။ ဘယ်သူရေးလိုက်တဲ့ ဇာတ်ညွှန်းလဲံ။
ဘယ်သူ ခွင့်ပြုလိုက်တာလဲ။သစ်ပင်တစ်ပင်ရဲ့ အလွမ်းဇာတ်ကတော့
အဲဒီအချိန်ကစပြီး ကရတော့တာပဲ။ ချစ်တယ်၊ လွမ်းတယ်၊ဝမ်းနည်းတယ်၊ ကြေကွဲတယ်
တစာစာအော်နေမိခဲ့တယ်။ ငှက်ကလေး မကြားဘူး။
ငှက်ကလေးမှာ
ငှက်ကလေးတစ်ကောင်ရှိတယ်။ ငှက်ကလေးမှာ ရည်မှန်းချက်တွေ ရှိတယ်။
ငှက်ကလေးမှာ အိပ်မက်တွေရှိတယ်။ ငှက်ကလေးမှာ ငှက်ကလေးကိုချစ်တဲ့၊
ငှက်ကလေးကချစ်တဲ့မိသားစုရှိတယ်။
ငှက်ကလေးမှာ
ငှက်ကလေးတစ်ကောင်ရှိတယ်ဆိုတဲ့ အသိကိုသိစက ကျွန်တော့်ရင်တွေ
အက်တဲ့နေ့ပေါ့။ငှက်ကလေးရဲ့ ရည်မှန်းချက်တွေ ၊ အိပ်မက်တွေကိုလည်း
ကျွန်တော်လေ ပြည့်စုံစေချင်လိုက်တာ။ငှက်ကလေးချစ်တဲ့ မိသားစုနဲ့
ငှက်ကလေးဟာကျွန်တော့်အတွက် ပျော်ရွှင်ဖွယ်ရာ
မိသားစုပြဇာတ်လေးပဲ။အထပ်ထပ်အခါခါကြည့်နေချင်တယ်။
ငှက်ကလေးက ငိုတတ်တယ်။
မယုံမရှိနဲ့ ငိုတတ်တယ်။ ငှက်ကလေးက သီချင်းလည်းဆိုတတ်တယ်။
ဟုတ်တယ်။ငှက်ကလေးဆိုတဲ့ သီချင်းဟာ ကမ္ဘာမှာအကောင်းဆုံးတေးပဲ။
သူ့သီချင်းသံတိုးဖွဖွလေးမှာ ကျွန်တော့်နှလုံးသားကအချစ်ဆိုတဲ့ မြစ်ထဲ
ဝုန်းခနဲ ခုန်ဆင်းလိုက်မိခဲ့တာပေါ့။
ငှက်ကလေးက လူကြီးဆန်ဆန်ရင့်ကျက်တယ်။
တခါတလေကျ ကလေးဆန်တယ်။ အမြဲစူပုတ်ပုတ်နေတတ်သလိုအမြဲပြုံးချိုချိုလေးလည်း
နေတတ်သေးတယ်။ ငှက်ကလေးရဲ့ အပြုံးက တခါတလေ ဝင့်ဝါပြီး
တခါတလေကျကလေးဆန်ဆန်ဖြူစင်လွန်းတယ်။ တခါတလေကျ ပြုံးမြမြနဲ့
ရင်ခုန်ဖို့ကောင်းလိုက်တဲ့အပြုံးလေးသူမို့ပြုံးတတ်လွန်းတယ်။
ငှက်ကလေး
ငိုနေတာ မတွေ့ဖူးဘူး။ ငှက်ကလေး ငိုင်နေတာ တွေ့ဖူးတယ်။ ငှက်ကလေး
စိတ်ရှုပ်တတ်တယ်။ငှက်ကလေး မသိလိုက်မသိဘာသာနေတတ်တယ်။ ငှက်ကလေးဟာ
ကျွန်တော့်အတွက် တစ်သက်တာ သင်ခန်းစာတွေပဲ။ဘယ်တော့မဆိုသင်ယူနေမိမယ့်
ငှက်ကလေးရဲ့ စိတ်အခြေအနေပြပုံရိပ်များ။ရင်မှာ ထာဝရသိမ်းထားမိနေမှာ...။
(-)
ငှက်ကလေးက ငှက်ကလေးတစ်ကောင်ကို ချစ်ခဲ့ဖူးတယ်။
ဒီစာသားကို
ရွက်ဝါတွေမှာအခါခါရေး၊ လေနဲ့လွှင့်ခဲ့ဖူးတယ်။ နင့်နေတဲ့ ရင်က ဝေဒနာတွေ
လျော့သွားလေမလားလို့။ငှက်ကလေးရဲ့ ချစ်ခြင်းကို
ငှက်ကလေးရဲ့မျက်နှာကိုကြည့်ပြီး လိုက်ဖမ်းခဲ့ဖူးတယ်။ ကျွန်တော်မှားသွားတယ်။
တကယ်ခံစားရတော့ ကျွန်တော်တစ်ယောက်ပါပဲ။ ငှက်ကလေးရဲ့
စိတ်ကူးယဉ်ဆန်တဲ့ချစ်ခြင်းကိုကျွန်တော်လေ ဖမ်းထားချင်လိုက်တာ။
ငှက်ကလေးက
သူ့ချစ်သူကိုလေ တစ်ဘဝစာရည်ရွယ်ပြီးတော့ချစ်ခဲ့သတဲ့။ ကျွန်တော်လည်း
ငှက်ကလေးကိုဘဝတစ်သက်တာ ရည်ရွယ်ခဲ့တာပါလို့လည်း ငှက်ကလေးသိအောင်
အော်ပြောလိုက်မိချင်သေးတယ်။
ငှက်ကလေးရဲ့အချစ်က ဒီလောက်လေးနက်တာတောင်
ငှက်ကလေးဟာ ဒဏ်ရာတွေ ရခဲ့သတဲ့။ ဝမ်းနည်းမိလိုက်တာ။ငှက်ကလေးလို
ဖြူစင်သူအတွက် ဒဏ်ရာဆိုတာ မတန်မရာခံစားချက်ပဲ။ ကျွန်တော် ငှက်ကလေးကို
သနားတယ်။ကြည်ကြည်နူးနူး သနားတယ်။ ကြည်နူးမှုကတော့ ကျွန်တော့်အတွက်လေ။
ငှက်ကလေး
သိချင်မှသိမယ်။ သိလည်း သိနိုင်ပါတယ်။ ကျွန်တော်ဟာ
အတ္တကြီးသူတစ်ယောက်။မောင်နှမချင်းရန်ဖြစ်ရင်တောင် အငယ်မို့ အကြီးကို
အမှားထောက်မပြရဘူးဆိုတဲ့ ရှေးစကားကိုဒီမိုကရေစီနဲ့ ကလန်ကဆန်လုပ်နေတတ်တဲ့သူ။
အဲဒီလိုလူက ငှက်ကလေးနဲ့
ပတ်သတ်လာရင်ပျော့ပျော့ပျောင်းပျောင်း၊ဖယောင်းလေးလို
လိုရာပုံသွင်းနိုင်သတဲ့။
ထူးဆန်းလိုက်တာ ငှက်ကလေးရယ်။
ငှက်ကလေးနဲ့ပတ်သတ်လာရင်
ဘယ်လောက်ထိ ရူးလဲဆို ငှက်ကလေးရဲ့ ချစ်သူဟောင်းကို
သဝန်မတိုမိဘူး။ငှက်ကလေးရဲ့ လေးနက်တဲ့ ချစ်ခြင်းတွေကိုပဲ နှမြောမိနေတာ။
နှမြောမိသွားတာ။
ဖြစ်နိုင်မယ်ဆိုရင်လေ ငှက်ကလေးရဲ့ချစ်ခြင်းတွေအားလုံး
ကျွန်တော်သာအပိုင်စားရပစ်လိုက်ချင်တယ်။ခုတော့ မော...။ မျှော်ရင်းမောပေါ့။
ခြေကုန်လက်ပန်းကျနေတဲ့ သစ်ပင်လေး၊
ရေဘယ်လောက်လောင်းလောင်းကျွန်တော်အသက်ရှင်လာဖို့က ငှက်ကလေးရဲ့
မေတ္တာရေပါမှဖြစ်မှာ။ ငှက်ကလေးသိစေချင်လိုက်တာ။ငှက်ကလေးရဲ့မေတ္တာရေသာ မပါရင်
ကျွန်တော်ဟာ သစ်ပင်တစ်ပင်အဖြစ်ပဲ အသက်ရှင်နေပြီး နှလုံးသားဆိုတာ
ကျောက်ဖြစ်ရုပ်ကြွင်းဖြစ်ကျန်ခဲ့မှာ။
ဟော.... ဟိုမှာ ငှက်ကလေး။ ကျွန်တော့်ကောင်းကင်ကနေ ပျံသွားတယ်။ ကျွန်တော် လေ..ငှက်ကလေးကိုချစ်လိုက်တာ.။
(-)
ငှက်ကလေးကငှက်ကလေးတစ်ကောင်ကို ချစ်နေတယ်။
ဒီအသိမှာ
ကျွန်တော် ကြေကြေကွဲကွဲပြုံးတယ်။ ကြေကြေကွဲကွဲပျော်တယ်။
အပြုံးနဲ့အပျော်ဟာငှက်ကလေးအတွက်လေ။ သူ အတိတ်ဒဏ်ရာတွေ မေ့နိုင်ပြီဆိုတဲ့
အတွေးနဲ့ ကျွန်တော် ပျော်မိပါတယ်။
ငှက်လေးရဲ့ ငှက်ကလေးရေ
ကျေးဇူးပြုပြီး ငှက်ကလေးကို ညှာတာပါ။ သူ့ခမျာ ဒဏ်ရာတွေ
ခံစားခဲ့ရတာ။ကျွန်တော့်တိုက်တွန်းပြောသံတွေဟာ ငှက်ကလေးရဲ့ ငှက်ကလေးဆီကို
ရောက်မသွားနိုင်မှန်းသိတယ်။ဒါပေမယ့်လည်း ကျွန်တော် ငှက်ကလေးအတွက်
စိုးရိမ်မှုတွေနဲ့ ပြောနေခဲ့မိတယ်။
ကျွန်တော့်အလွမ်းတွေသာ
အားလုံးပြည့်စုံနိုင်မယ့်ဆန္ဒတွေအဖြစ်နဲ့
ငှက်ကလေးဆီရောက်သွားရင်ဘယ်လောက်ကောင်းလိမ့်မလဲ။ ဒါဆို ငှက်ကလေး
အရာရာပြည့်စုံသွားမှာပဲ။
ငှက်ကလေးကို လွမ်းမိတဲ့အလွမ်းက နေ့နေ့ညည။
အချိန်မခွဲခြားဘူး။ လေပြေလေးတိုက်ရင်လွမ်းတယ်။သစ်ခက်လေးတွေ လှုပ်ရင်
လွမ်းတယ်။ မနက်အလင်းရောက်ရင် လွမ်းတယ်။ ညအမှောင်ရောက်ရင် လွမ်းတယ်။
တကယ်ပါ။
အလွမ်းဆိုတာ အချစ်ရဲ့ ဘာသာဗေဒမှာ ဂုဏ်ထူးတန်းထွက်ဖို့ အလွယ်ဆုံးတဲ့။
ကျွန်တော်လက်ခံလိုက်ပါတယ်။ ကျွန်တော်လည်း အလွမ်းမှာ ဂုဏ်ထူးတန်း ထွက်လုပြီ။
ငှက်ကလေး
ဒီနောက်ပိုင်း ပြောင်းလဲလာတယ်။ငှက်ကလေးရဲ့ အသံတွေ ဝင်းလက်လာတယ်။
ငှက်ကလေးရဲ့အသံတွေ ချိုမြလာတယ်။ ငှက်ကလေးရဲ့ မျက်နှာဟာ အချိန်ပြည့်
ညွတ်ညွတ်နူးနူ၊ သူ့အတောင်ပံခတ်သံတွေဟာနူးညံ့သိမ်မွေ့နေတယ်။ ငှက်ကလေး
အဆင်ပြေပျော်ရွှင်နေတဲ့အတွက် ကျွန်တော် ပျော်တယ်။ ငှက်ကလေးဘာတွေပျော်နေလဲ
စဉ်းစားမိချိန်မှာ ကျွန်တော် ငိုချင်သွားမိတယ်။
သူ သူ့ချစ်သူငှက်လေးနဲ့ အဆင်ပြေလုပြီ ထင်တယ်။
ငှက်ကလေးရေ ကျွန်တော် ငိုချင်လိုက်တာ...။
(-)
ကျွန်တော့်
အစိမ်းရောင်သစ်ရွက်တွေဟာတဆက်ဆက်တုန်လို့။ ငှက်ကလေးကို
မျှော်နေလိုက်တာ။တကယ်ဆို ငှက်ကလေးက ကျွန်တော့်ဆီ မလာဘူးဆိုတာ
သူတို့အသိဆုံးပါ။ ငှက်ကလေးကြားအောင်ပြောနေမိတဲ့ စကားသံတွေဟာ
ငှက်ကလေးမကြားနိုင်ခဲ့တာ လက်တွေ့။ ငှက်ကလေးနဲ့ကျွန်တော့်ကြားမှာဘာသာဗေဒ
ကြွဲ့ပားတယ်။ကျွန်တော့်သစ်ခက်တွေ တလှုပ်လှုပ်နဲ့ ပြောပြနေတဲ့
ငှက်ကလေးတမ်းချင်းတွေဟာငှက်ကလေးရဲ့အမြင်မှာ လှုပ်ခါနေတဲ့ သစ်ရွက်လေးပဲ
ဖြစ်လိမ့်မယ်။
ငှက်ကလေးရေ ကျွန်တော်က သစ်ပင်ငယ်ပါ။
စိတ်လည်းငယ်တယ်။ အရိုင်းဆန်တဲ့နှလုံးသားက အချစ်တစ်ခု ပွင့်ဖူးလာတာကို
တားမြစ်ဖို့ထိ မရင့်ကျက်တတ်ခဲ့ဘူး။ ငှက်ကလေးနဲ့သူ့ငှက်ကလေးရဲ့ ပုံရိပ်တွေ
မြင်ရတဲ့နေ့ဆို ကျွန်တော် ငိုတဲ့နေ့ပေါ့။ အဲဒီနေ့တိုင်းကောင်းကင်မှာ
တိမ်တွေညိုတတ်တာမို့ ငှက်ကလေးသတိထားမိရင်သိလိမ့်မယ်။
ကျွန်တော်ငိုနေတဲ့အကြောင်းကို။
မနေ့က ငှက်ကလေး၊ ဒီနေ့ ငှက်ကလေး၊
ဟိုးတနေ့က ငှက်ကလေး၊ နောင်လာမယ့်ငှက်ကလေး။ဘယ်ရက်စွဲအကြောင်းသိချင်လဲ။
ကိုယ်ငှက်ကလေးရဲ့ အတောင်ပံခတ်သံကို သေချာဝေခွဲပြမယ်။
ဘယ်နေ့ကအတောင်ပံခတ်သံမှာဘယ်လိုအနာတရတွေ ပါခဲ့ကြောင်း၊ ဘယ်နေ့က
အတောင်ပံခတ်သံမှာ
ဘယ်လိုပျော်ရွှင်မှုမျိုးပါခဲ့ကြောင်းတစ်ခုချင်းစီအဓိပ္ပါယ်ခွဲပြမယ် ယုံ။
(-)
ညီမျှခြင်းတိုင်းရဲ့ နောက်မှာအဖြေရှိသလား။
ငှက်ကလေးနဲ့
သစ်ပင်ကို ပေါင်းစပ်ကြည့်လိုက်တယ်။ ညီမျှခြင်းနောက်မှာအဖြေမရှိခဲ့ဘူး။
သစ်ပင်ဟာ သစ်ပင်အတိုင်း မကျန်ရစ်ဘူး။ အလွမ်းတွေ၊ နာကျင်မှုတွေ နဲ့
ကျန်ခဲ့ရတယ်။ငှက်ကလေးကတော့အဝေးကို ခပ်သွက်သွက်ပျံ။ သူ့ဘေးမှာ
ငှက်ကလေးတစ်ကောင်ရှိမယ်။ ရှိလောက်တယ်။
စိတ်ကူးတွေနဲ့
ရူးခဲ့တဲ့နေ့တွေ၊ စိတ်ကူးအယဉ်လွန်းခဲ့သူလို့အပေါင်းအသင်းတွေ
စကားတင်ဖျင်းဆိုနေကြလည်း ကျွန်တော် စိတ်မဆိုးဘူး။ အားလုံးထဲမှာ
ကျွန်တော်ဟာရူးခဲ့တယ်ဆိုရင်တောင်သူတို့တစ်ခါမှ မခံစားဖူးတဲ့ အချစ်မျိုးနဲ့
ရူးခဲ့တာ။
အချစ်ရူးလို့ ခေါ်ချင် ခေါ်ကြပါစေ။ငှက်ကလေးအတွက် ကျွန်တော်ရူးတယ်။
ငှက်ကလေးရေ
ကိုယ်က အချစ်ရူး၊ ခင်ဗျား အပြုံးတိုင်းမှာ
ရင်တစ်ခုလုံးမြုပ်နှံထားမိ၊စိတ်တစ်ခုလုံး ပြုံးရယ်သွားမိ၊ တကယ်ဆို
ဆယ်ကျော်သက်အရိုင်းမို့မဟုတ်ဘူး။ ရင်ထဲကကိုအရူးအမူးချစ်နေမိခဲ့တာ။
ငှက်ကလေးသိအောင်
စကားတွေဆိုကြည့်တယ်။ အသံက ထွက်မလာခဲ့ဘူး။ဟုတ်တာပေါ့။ သစ်ပင်တစ်ပင်က
နှလုံးသားစကားစပြောမယ်ဆိုရင် ကမ္ဘာကြီး
ကျွမ်းထိုးမှောက်ခြုံဖစ်သွားနိုင်တယ်။ရတယ်။ကျွန်တော် ချစ်နေရရုံနဲ့
ကျေနပ်တယ်။
(-)
ငှက်ကလေး ရယ်နေလား။ ရယ်ပါ။ ငှက်ကလေးရဲ့ ရယ်သံလေးတွေ ကြားခွင့်ရချင်တယ်။
ငှက်ကလေး ပျော်နေလား။ ပျော်ပါ။ ငှက်ကလေးရဲ့ အပျော်လေးတွေနားထောင်ခွင့်ရချင်တယ်။
ငှက်ကလေး
ငိုနေလား။ မငိုနဲ့။ တကယ်ဆိုငှက်ကလေးဟာ
သစ်ပင်တစ်ပင်ရဲ့သူရဲကောင်းဖြစ်နေခဲ့တယ်။ငှက်ကလေးဟာ စိတ်အားငယ်မှုထက်
ရင်ဆိုင် တိုက်ခိုက်ဖို့ ရွေးချယ်တတ်သူဖြစ်တယ်။ဟုတ်တယ်မဟုတ်လား ငှက်ကလေး။
ငှက်ကလေးအတွက်
ကျွန်တော် ရေးထားမိတဲ့ စာကလေးတွေဟာ
မြေပြင်ပေါ်မှာကြက်ပျောက်ငှက်ပျောက်။လေပြေတစ်ချက်အဝှေ့မှာတင်
အရာအားလုံးပျောက်ပျယ်။ မထင့်တထင်စကားလုံးတွေသာကျန်ခဲ့တော့တယ်။
နောက်ဆုံးအနေနဲ့
တစ်ကြောင်းရေးကြည့်မယ်။ ငှက်ကလေးကိုချစ်ခဲ့ခြင်းမှာမာနမပါဘူး၊ အတ္တမပါဘူး။
ဖြူဖြူစင်စင် အချစ်တစ်ခု ဖူးပွင့်ခဲ့ခြင်းသာ။ ဤမှန်သော
သစ္စာစကားကြောင့်ငှက်ကလေး ပျော်ပါစေ။
ရည်ဝေ
