Saturday 3 May 2014

ရင်စူးမြား

---+++---
(၁)
“မြား..။ ဒါ မြားလား။”
မပီမသ ရေရွတ်မိလိုက်တယ်။ မှန်သားကိုယ်စီဖုံးအုပ်ထားတဲ့ မျက်ဝန်းအစုံရဲ့ ထပ်တူကျအကြည့်ဟာ လေးနက်ဖေါက်ဝင်သွားမတက်။ မျက်သားဖြူဖြူထက်က မျက်နက်ဝန်းတွေကိုကြည့်ရင်း ကိုယ့်မျက်လုံးကို ပြန်ဆွဲထုတ်ရတာ ခက်တယ်။ ကားအနက်ကို မှီလို့ လက်ပိုက်ရပ်နေတဲ့ သူ့ဟန်ပန်ဟာ ကိုယ့်အတွက် ဘာတစ်ခုမှ အဓိပ္ပါယ် မရှိပါဘူး။ အဓိပ္ပါယ်ရှိလိုက်တာကသူ့မျက်ဝန်းနဲ့ ထပ်တူကျ သွားစိုက်လိုက်မိတဲ့ ကိုယ့်မျက်ဝန်းတွေ။
မျက်ဝန်းနှစ်ခု တကယ်ဆုံစည်းပြီဆိုရင် အခုလို လေးနက်သွားတဲ့ ခံစားမှုမျိုးရှိကြောင်း သိတာ ဒါ ပထမဆုံးပဲ။ သူ့မျက်ဝန်းနဲ့ ကိုယ့်မျက်ဝန်းမှာ ဘာအဓိပ္ပါယ်မှ မပါ ပါဘဲ ထပ်တူကျဆုံစည်းမိလိုက်ရုံလေးနဲ့ ဒီလောက်ထိ လေးနက်သွားသတဲ့လား။ နှလုံးသားမှာ ရစ်သိုင်းလာတဲ့ လေးလေးပင်ပင်နဲ့ ငြိမ့်ညောင်းလာတဲ့ တိမ်သားလေးတွေ။ ဒါဘယ်လိုခံစားချက်မျိုးလဲ။ ဟင့်အင်း။ ကိုယ် အဓိပ္ပါယ်မဖေါ်တတ်ဘူး။
မျက်ဝန်းတွေ ဆုံဖူးတယ်။ သိပ်ဆုံဖူးတယ်။ ပူလောင်နေတဲ့ မျက်ဝန်းတွေကို ကိုယ်က ပူလောင်နေတဲ့ မျက်ဝန်းတွေနဲ့ကြည့်ဖူးတယ်။ ဒါပေမယ့် ထပ်တူမကျဘူး။ အေးစက်နေတဲ့ မျက်ဝန်းတွေကို ကိုယ် ပူလောင်နေတဲ့ မျက်ဝန်းတွေနဲ့ကြည့်ဖူးတယ်။ အရောင်တွေ ထပ်တူမကျခဲ့ဘူး။ ခု ကျွဲကော်ကိုင်းလို့ ခေါ်မလား။ မျက်မှန်အနက်ရောင်အောက်က မျက်ဝန်းတွေမှာ ကိုယ့်မျက်ဝန်းတွေက ထပ်တူကျသွားစိုက်နေခဲ့သတဲ့။ကပြာကသီပြန်လွှဲလိုက်ပေမယ့် မျက်သားဖြူဖြူနဲ့ မျက်နက်စေ့လေးဟာ ကိုယ့်နှလုံးသားထဲပါလာတယ်။ ဘယ်လို ရှောင်ရမယ်မှန်းကို မသိဘူး။
ဒီနေ့ ပန်းဆိုးတန်းမှာ မျက်ဝန်းတစ်စုံနဲ့ တွေ့ခဲ့တယ် လို့ ဒိုင်ယာရီစရေးကြည့်ရင် ကောင်းမလားဟင်။ အဟင်း ကိုယ်ဆိုတာ စာရေးချင်ပေမယ့် စိတ်ကူးယဉ်ဆန်ဆန် နုလှနေတတ်တဲ့သူမှမဟုတ်ဘဲ။ ကိုယ့်စိတ်ကူးကို ချက်ချင်းပဲ ပယ်ဖျက်လိုက်မိတယ်။
--+++---

Monday 28 April 2014

“သူကား ပန်းငုဝါဖြစ်စေ…. ကိုယ်သည်ကား…”

“သူကား ပန်းငုဝါဖြစ်စေ…. ကိုယ်သည်ကား…”
--++---
ကိုယ့်အတွက်တော့ ချစ်ခြင်းတရားဆိုသည်မှာ အိပ်မက်တစ်ခုစာမျှထိပင် ရေရာသေချာမှုမရှိခဲ့။ အရာရာသည် ဝေဝေဝါးဝါးနိုင်စွာ..။
အလွမ်းဆိုသည်ကိုပင် ပိုင်ပိုင်နိုင်နိုင်လွမ်းခွင့်ရှိပါရဲ့လား ဟု ဆန်းစစ်မိသည့်အခါ အရာရာသည် ဝေးသထက်ဝေးရာသို့ လွင့်ပေတော့၏။
အပြုံးမမည်သည့် နှုတ်ခမ်းတွန့်တွန့်လေးတွေကို ရော်ရမ်းမှန်းဆကာ လွမ်းသည်။ အမုန်းမမည်သည့် သံယောဇဉ်ဖြူဖြူတို့ကို မုန်းလျက်နှင့် လွမ်းသည်။ မေတ္တာဆိုသည် တစ်ခါတစ်ရံတော့ ခါးတတ်ကြောင်း သူသိအောင်တော့ ပြောပြချင်ပါသေးသည်။
ခွင့် ဆိုသည်မှာ တစ်ပါးသူပေးမှ ရသည့်အရာဟု ဆိုလျှင် ကိုယ်ငြင်းဆိုချင်ပါသည်။ ကိုယ်က လွမ်းခွင့်ကို သူမပေးပါဘဲ စိတ်တိုင်းကျသုံးစွဲနေသူမို့သာတည်း။ သို့မဟုတ် အခွင့်မရှိပါဘဲ လွမ်းနေမိသူမို့သာတည်း။ သူမသိပါဘဲ ကိုယ့်တစ်ယောက်တည်း စိတ်ကူးနှင့် ရွက်လွှင့်ကာ လွမ်းနေရခြင်းသည်ပင် ဘဝ၏ ခမ်းနားလှပသော အချိန် စလေးများ ဟု တင်စားခေါ်ဆိုချင်မိလေသည်။

Tuesday 8 April 2014

uRefr\nmbufzdeyfuav;


“ကျွန်မ၏ ညာဘက်ဖိနပ်ကလေး”

--+++----
ဖိနပ်တစ်ရံ၏ တန်ဖိုးသည် ဈေးနှုန်းကြီးမြင့်ခြင်းနှင့် စတိုင်ကျလှပခြင်းလေလား။ သို့မဟုတ် သက်တောင့်သက်သာရှိခြင်းနှင့် သုံးစွဲသူအတွက် ဝယ်ယူဖို့ ဈေးမကြီးခြင်းလေလား။ မည်သို့ပင်ဆိုစေကာမူ ယခု ဖိနပ်ဆိုင်ရှေ့တွင် ကျွန်မ ရပ်နေပါသည်။ ဖိနပ်ဆိုင်ထဲသို့ ဝင်ကာ ဖိနပ်သစ်ဝယ်ယူဖို့သည် ကျွန်မချမှတ်ထားသော စည်းမျဉ်းသေကြီးကို ချိုးဖေါက်ရမည့်အနေအထားဖြစ်နေသည်မို့ ဖိနပ်ဆိုင်ရှေ့တွင်သာ ရပ်လျှက် အတွင်းသို့ မလှမ်းနိုင်ဖြစ်နေပေ၏။
ဖိနပ်ဆိုင်အတွင်းမှ ဖိနပ်လှလှလေးများသည် တစ်ရံပြီးတစ်ရံ ပြင်ပသို့ထွက်ခွာသွားကြသည်။ ဆိုင်ဝန်ထမ်းကောင်မလေးကလည်း ကျွန်မကို ကွက်ကြည့်ကွက်ကြည့် ရှိချေပြီ။ သို့သော် ကျွန်မ ဖိနပ်ဆိုင်တွင်းသို့ မဝင်မိသေး။
ကျွန်မက ဖိနပ်လှလှများကို မချစ်တတ်ပါ။ ထို့အတူ ဈေးကြီးကြီးဖိနပ်များကိုလည်း မချစ်တတ်ပါ။ သို့သော် ကျွန်မသည်လည်း မိန်းမသားတစ်ဦးမို့ ဒေါက်ဖိနပ်များကို ကြိုက်နှစ်သက်တတ်ပါ၏။ သုံးလက်မဒေါက်စီးကာ လမ်းလျှောက်ရလျှင်ပင် ကိုယ်သည်သူ့အလိုလို စတိုင်ကျသွားသည်၊ အရာအားလုံးကို အပေါ်စီးမှ ကြည့်လိုက်ရသည် ဆိုသည့် ခံစားချက်ဖြင့် မိုးမမြင်လေမမြင်ပျော်ကာ ဝယ်စီးဖူး၏။ သို့သော် ထိုဖိနပ်သည် ကျွန်မအတွက် အသုံးမဝင်။ ဘက်စ်ကားပေါ်တက်လိုက်တိုင်း တပါးသူ ခြေထောက်ကို ထိသဖြင့် ခဏခဏတောင်းပန်ရ၏။ ထို့အပြင် ခပ်မြန်မြန်လျှောက်၍မရ။ ထိုအချိန်တုန်းက တက္ကသိုလ်ကျောင်းသူဖြစ်သည်မို့ ပို၍ပင် လှချင်ခဲ့သော်လည်း အချိန်တစ်ခုအရောက်မှာတော့ မဖြစ်မနေပင် သူ့ကို စွန့်ခဲ့ရတော့၏။ ကျောင်းတက်ခေါင်းလောင်းထိုးချိန်တွင် ကင်တင်းန်မှာပဲရှိသေးသည့် ကျွန်မ ကျောင်းသို့ပြေးအသွားမှာ ချော်လဲခဲ့ခြင်းပင်။ ရလဒ်အဖြစ် ဒေါက်တစ်ဖက်ကျိုးလျှက်ရှိသော ဖိနပ်ကို နောက်တစ်နေ့မှာတော့ မစီးတော့။ တစ်ခြားဖိနပ်ပြောင်းခဲ့ရသည်။ သို့သော်လည်း ဒေါက်ဖိနပ်စီးသည့်ဒဏ်ကြောင့် ခါးနာခြေသလုံးနာရောဂါကိုတော့ ရက်အတန်ကြာထိ လက်ခံထားခဲ့ရလေသည်။ ထိုအချိန်မှ၍ သက်တောင့်သက်သာဖြစ်စေမည့် ဖိနပ်တို့ကိုသာ ရွေးချယ်ခဲ့မိတော့သည်။

Friday 4 April 2014

“မြိနေအောင် သွေးထားတဲ့ မြားတစ်စင်း ”


“မြိနေအောင် သွေးထားတဲ့ မြားတစ်စင်း ”
--++--

(၁)
မြင်လား သား။ အဲဒါ မင်းအဖေ။ မင်းအဖေ လူယုတ်မာကြီးလေ။ သေချာမြင်အောင်ကြည့်ထားစမ်း ငါ့သား။ တစ်နေ့မှာ  မေမေ့အတွက် သားက လက်စားချေပေးမယ်မဟုတ်လားဟင်။
နှင်း၏ လက်ကို ဆုပ်ကိုင်ထားသည့် သား၏ လက်က ပို၍တင်းကျပ်သွားသည်မို့ သားငယ်ကြည့်ရာကို ကြည့်လိုက်မိတော့ မောင်နှင့် မိန်းမငယ်တစ်ဦး။ ဟင့်အင်း။ နှင်းအတွက်တော့ မည်သို့မျှမခံစားရပါ။ ကြိုပြီးသိထားပြီးသား အကြောင်းအရာတစ်ခုသာဖြစ်သည်။ ဒီကုန်တိုက်ကို ဒီလိုနေ့ဆို ဈေးဝယ်ထွက်နေကြ ဆိုတဲ့ အတွင်းသိစကားအရ သားနှင့် မောင့်ကို ရင်ဆိုင်ပေးလိုက်တာသာ ဖြစ်သည်။
သို့သော် ကိုယ့်ကို မော့်ကြည့်လာသည့် သားငယ်၏ မျက်ဝန်းလေးများကြောင့် ဒေါသကို အရှိန်ပြင်းကာ မျက်ဝန်းတွင် မျက်ရည်များစို့လာအောင် ပြုလုပ်လိုက်သည်။ ထို့နောက် ထိုင်ချလိုက်ရင်း သားကို
“သား သားတို့ အရွယ်ဝတ်တဲ့ အဝတ်အစားတန်းဘက် သွားရအောင်နော် မေမေ့အတွက် အဝတ်မဝယ်ချင်သေးဘူးနော်”
မျက်ရည်အဝဲသားနှင့် ခေါင်းညိတ်ပြလိုက်သည့် သားလေး၏ လက်ကလေးကို ဆွဲကိုင်ကာ ကလေးအဝတ်အစားတန်းဘက် လျှောက်လိုက်ရင်း နှင်း ကျေနပ်စွာ ပြုံးလိုက်မိသည်။
“မောင် မင်းအတွက် မြားတစ်စင်း ကိုယ် သွေးနေပြီ။ မင်း လွတ်အောင်ရှောင်နိုင်မှာလား မောင်”
သားလက်ကို ကိုင်ကာ ထလိုက်သည့်အချိန်မှာပဲ မောင့်မျက်ဝန်းတို့ အထိတ်တလန့်ဖြစ်သွားခဲ့သည်ကို သတိပြုမိ၏။ သို့သော် နှင်းက မသိကျိုးကျွံပြုကာ သားလက်ကို ဆွဲ၍ ထွက်ခွာလာခဲ့သည်မဟုတ်ပါလား။ တစ်ယောက်လက်ကို တစ်ယောက်ချိတ်ဆွဲထားသော မောင်နှင့်ထိုမိန်းကလေး၏ အကြောင်းကို နှင်းရှင်းမပြလည်း သုံးတန်းကျောင်းသားဦးနှောက်ဖြင့် သားနားလည်မည်ဟု ယုံကြည်သည်လေ။
--++--

Thursday 3 April 2014

ဆုံမှတ်မဲ့ ရင်ဝှက်တေး


“ဆုံမှတ်မဲ့ ရင်ဝှက်တေး”-ရည်ဝေ(လင်းရောင်ခြည်)
---++++-----

ကြာခဲ့ပြီ။ ဟုတ်သည်။ ကြာခဲ့ပြီဖြစ်သည်။
ခုံတန်းလေးသည်လည်း သူ၏ရှိမြဲနေရာ၌ ရှိနေသေးသည်။ သို့သော် ခုံတန်းလေးသည်လည်း ဇရာကို အံမတုနိုင်ဟန်ဖြင့် အိုမင်းရိရော်နေခဲ့ချေပြီ။ တစ်ချိန်က အစိမ်းရောင်ဖျော့ဖျော့တို့ ဆိုးခဲ့သော ခုံတန်းလေးသည် ယခုတော့လည်း အရောင်ပြယ်လုလု အစိမ်းရောင်ဖျော့တော့တော့ဖြင့် ကျွန်တော့်ကို ကြိုလင့်နေသည့်အလား။

တစ်စုံတစ်ယောက်သည်ကော ခုံတန်းလေးကဲ့သို့ ကျွန်တော့်ကို ကြိုနေလေဦးမည်လား။ သို့မဟုတ် အရာရာကို ပြည်ဖုံးကား ချလိုက်လေပြီလား။ အခွင့်ရှိလျှင်ဖြင့် သိချင်စမ်းလှပါသည်။ သြော် သိချင်စမ်းလှပါသည်လေ။
ကျောင်းဆောင်၏ အလယ်တည့်တည့်တွင် စိုက်ပျိုးထားသည့် စိန်ပန်းနီနီကိုကြည့်ရင်း လမ်းဘေးအလေ့ကျပေါက်တတ်သည့် စိန်ပန်းနီကိုပင် ခူးမှာစိုးသည့်အလား တားဆီးထားသည့် ဆိုင်းဘုတ်တစ်ခုကို သတိရမိပြန်သည်။ “သတိ- ပိုင်ရှင်ရှိသည် မိမိကိုယ်ကို သူခိုးအဖြစ်မခံပါနှင့်” တဲ့လေ။

အတွေးနှင့်အတူ ခုံတန်းလေးတွင်ထိုင်ရင်း ကျောင်းတော်ကြီးကို ငေးကြည့်နေမိသည်။ တစ်ချိန်က ဒီကျောင်းတော်ကြီးတွင် လင်းခက် ဆိုသည့် ကျောင်းသားလေးတစ်ယောက် ပညာနို့ရည် သောက်စို့ခဲ့ဖူးသည်ပေါ့။ တစ်ချိန်ကတော့ ဒီကျောင်းတော်ကြီး၏ ကင်န်တီးန်ပေါင်းစုံတွင် လင်းခက်နှင့် တစ်ယောက်သောသူ၏ ခြေရာတို့ အထပ်ထပ်ရှိခဲ့ဖူးပေသည်။ ထိုကဲ့သို့ အထပ်ထပ်ရှိခဲ့ဖူးသည်ကို အမှတ်ရပါရဲ့လား မမမွန်။ စိတ်တွင်းမှ ထွက်ရှိလာသော မေးခွန်းကို ကပြာကသီသိမ်းအုပ်လိုက်ချိန်တွင် စိတ်၌ တစ်စုံတစ်ရာသော စေ့ဆော်မှုခံလိုက်ရသည့်အလား အနောက်ဘက်ဆီသို့ ဖျတ်ခနဲ လှည့်ကြည့်လိုက်မိသည်။

ပန်းတစ်ပွင့် ရင့်ကျက်တည်ငြိမ်သည့် အလှဖြင့် သူ့ကို ငေးကြည့်နေလေသည်ပဲ။ မမမွန်။ သူ့ကို ကြိုဆိုလေသည်တော့ ဟုတ်ဟန်မတူ။ မမွန်၏ မျက်နှာသည် ပကတိ တည်ငြိမ်လွန်းလှသည်။ သို့သော် မျက်ဝန်းထဲမှာတော့ အငွေ့တစ်ချို့ လှိုင်းထနေလေသည်လား။ ဖျတ်ခနဲ သူထရပ်လိုက်မိသည်။ သူ့ကို ငေးကြည့်နေရာမှ သူရှိရာသို့ တစ်လှမ်းချင်းလှမ်းလာသော မမမွန်၏ အလှသည် စံပယ်ဖြူတစ်ပွင့်၏ ရင့်ကျက်တည်ငြိမ်မှုကဲ့သို့ပင်။ ဖြူစင်အေးချမ်းလှသည်။ သို့သော်…။ သူနှင့်မမမွန်ဆိုသည်က အဖြေမပီခဲ့သည် စွယ်တော်ရွက်လေးတွေ ဖြစ်ခဲ့သည် မဟုတ်လားလေ။

ကြာခဲ့ပြီ။ ကြာခဲ့ပါပြီ။
သူ၊ မမမွန်။ သက္ကရာဇ်များစွာသည် တစ်ရိပ်ရိပ်ပြေးလွှားလိုက်သည့် ရထားတစ်စင်းအလား…။

Monday 17 March 2014

စးကွင်းထဲက ကျွန်တော်


“စကားကွင်း ထဲက ကျွန်တော်

ရိုးသားသင့်သလောက် မရိုးသားမိခဲ့တဲ့အခါ စကားလုံးတွေဟာ ကျွန်တော့်အတွက် အမှောင်ကို ဖန်ဆင်းသူ ဖြစ်လာတယ်။ ဒါမှမဟုတ် အဆုံးစွန်ထိရိုးသားမိခဲ့တဲ့အခါ စကားလုံးတွေဟာ ကျွန်တော့်အတွက် ကိုင်တွယ်ရခက်လာတာ ဖြစ်မယ်။
--++

Saturday 15 March 2014

“သူ ကုန်းမြေတစ်ခုသာ ဖြစ်ပါသည်”


**************************************


            သူက ကုန်းမြေတစ်ခုဖြစ်သည်။ သူ့ကို ပိုင်ဆိုင်သူမှာ သူကိုယ်တိုင်မဖြစ်ခဲ့သည်ကလွဲ၍ သူ ပျော်ရွှင်ခဲ့ပါသည်။

--++--

            သူ အနည်းငယ်တော့ စိတ်ညစ်ပါသည်။ သူ့ကျောပြင်တွင် ရှင်သန်နေကြသော ထနောင်းတော နှင့် ကန္တာရတော တို့သည် တစ်ဖက်နှင့်တစ်ဖက် ယှဉ်ပြိုင်တိုက်ခိုက်နေကြသည်မှာ သူ့အတွက် တဲ့။ တကယ်ဆိုသူ့ကို ပိုင်ဆိုင်သူဟု သူကိုယ်တိုင် သတ်မှတ်ထားခဲ့သည်ကိုက ထနောင်းတောသာ ဖြစ်သည်။ အဘယ့်ကြောင့်ဆိုသော် ထနောင်းတောကသာလျှင် သူ့ကို အမည်နာမ ပေးခဲ့သည်မဟုတ်ပါလား။

Thursday 13 March 2014

ငြိမ်ငြိမ်..နေ


နာဖျားမှုနည်းနည်း ဆွတ်လိမ်းထားတဲ့ နေ့လယ်ခင်းမှာ ကျွန်တော်တစ်ယောက်တည်း။ တစ်ခါတစ်လေကျ ဘယ်သူမှမသိတဲ့ ဒဏ်ရာအနာတရတွေကို ဆုပ်ကိုင်ထားရတာကိုက ဘဝပီပီသသ နာကျင်စူးရှလို့။ အိပ်မက်တွေ မမက်တော့ဘူး။ ဒါမှမဟုတ် အိပ်မက်တွေ မမှတ်မိတော့ဘူး။
ဒါမှမဟုတ် ကျွန်တော် မက်နေခဲ့မိတာကိုက အိပ်မက်အသေတွေဖြစ်မယ်။

Monday 3 March 2014

“မြို့ပြရနံ့ဖုံးလွှမ်းလွန်းသော ..”


မဟာဗန္ဓုလပန်းခြံကြီးသည် သိပ်မကျယ်ဝန်းပါ။ သို့သော် လေကောင်းလေသန့်ကောင်းစွာရသည့်အပြင် မြက်ခင်းပြင်ထက်၌ ထိုင်ရသည့်အရသာကြောင့်ပဲလား။ သို့မဟုတ် ဖြတ်လမ်းအနေဖြင့်အသုံးပြုလေသည်လား၊ ခေတ္တခဏနားခိုစရာ ဖြစ်နေ၍လားမသိ။ လူဝင်လူထွက်များပြားလှသည်။ ဝင်ကြေးမပေးရသည့်အပြင် သိပ်မကြီးမားသော ကလေးကစားကွင်းလည်း ရှိသည်မို့ မိသားစုလိုက် လာကြသူများလည်း ရှိသည်။            လူကြီးလူငယ်အဖုံဖုံလည်း အုပ်စုဖွဲ့ထိုင်နေကြပြန်သေးသည်။ မြက်ခင်းတွင်ထိုင်နေရာမှ ဟိုဟိုဒီဒီအကြည့်တို့ကစားကြည့်လိုက်မိသည်။

Saturday 1 March 2014

ဒဏ်ရာရ ပန်းတစ်ပွင့်ရဲ့ အဖြေ


 (၁)
မေမေ၊ မေမေ ဒီနေ့ ရန်ကုန်က ပြန်မလာဘူးတဲ့လား။ အန်တီကလည်း အရှေ့အိမ်မှာ ရုပ်ရှင်ကြည့်နေတုန်းလား။ ဒီခြေသံဟာ မေမေနှင့် အန်တီ့ခြေသံမဟုတ်တာတော့ သေချာနေခဲ့သည်။ အနံ့တထောင်းထောင်းထနေသော ခြေသံကို ကြောက်ရွံ့လွန်းစွာ ကုတင်အောက်သို့ဝင်ပုန်းရင်း မျက်လုံးအစုံကို အနားမပေးနိုင်ခဲ့။ ဘယ်အချိန်များ တံခါးလှပ်လိုက်မလဲဆိုသည့်အတွေးဖြင့် ကြောက်လန့်စွာ..။
 ဟင့်အင်း။ ကျွန်မကို ဟိုကိုင်ဒီကိုင် လုပ်တာလဲမကြိုက်ဘူး။ ဟိုထိဒီထိလုပ်တာလည်း မကြိုက်ဘူး၊ မကြိုက်ဘူး။ ဘာဦးလေးလဲ။ သွေးတော်တာမှမဟုတ်ဘဲ။ ကျွန်မမျက်နှာကို လာ

Monday 24 February 2014

မိတ်ဆွေ

စိတ်ရှိသမျှ ရွာချဖို့ စကားတွေ ခန်းနေတဲ့အခါ
ကိုယ်ကိုယ်တိုင်ပဲ တိတ်ဆိတ် ဆွံ့အ
တေမိလူသား ဆိုတဲ့ အဖြစ်သာ ထိုက်တန်တယ်။

စိတ်ရှိသမျှ စကားတွေရွာချဖို့ မသင့်တော်တဲ့အခါ
---

Friday 21 February 2014

“ထမင်းရည်ပူ စည်း ဘေးက လွယ်အိတ်နှစ်လုံး”


“ထမင်းရည်ပူ စည်း ဘေးက လွယ်အိတ်နှစ်လုံး”


--+++---
ငါ့လို ဘေးစောင်းလွယ်အိတ်လေးတစ်လုံး တွေ့တယ် ။

သူ့မျက်နှာမှာ ငါ့လိုပဲ အကြည်ရောင် ကျည်ကာလေးဝတ်ဆင်ထားတဲ့ လွယ်အိတ်လေးကို တွေ့တယ်။
သိလား။ ငါတို့နှစ်ဦးကြားက နားလည်မှုအရ။ ကျည်ကာ ကိုယ်စီအောက် ဖုံးကွယ်ထားတဲ့ အနာတရတွေရှိတယ်။ ကျည်ကာကိုယ်စီအောက် ဖုံးကွယ်ထားတဲ့ အမှန်တရားတွေရှိတယ်။ ကျည်ကာကိုယ်စီအောက် ဖုံးကွယ်ထားတဲ့ ထေ့ငေါ့မှုလေးတွေရှိတယ်။
“ခင်ဗျားက သိပ်မာန်တက်တာပဲ”
သူ့ပြောစကားမှာ ငါ့မျက်ဝန်းတွေ ရယ်ဟဟပြောင်းသွား။ ဟင့်အင်း။ စိတ်မဆိုးခဲ့ပါဘူး ကလေးရယ်။ မာတင်းနေဟန်ဆောင်ရတဲ့ ငါ့စိတ်ကြီးကို မင်းနားမလည်တာပဲ ရယ်ချင်တာ။ သိလား။ ငါ့အမှန်တရားကို ထုတ်ပြဖို့ တစ်ခါမှ မရဲဝံ့ဖူးဘူး ကလေးရဲ့။ ငါရဲဝံ့ခဲ့ဖူးတာ မင်းတစ်ယောက်တည်းအတွက်ပဲ။ အတွေးထဲမှာ စကားတွေ ဆိုနေခဲ့ပေမဲ့ တိတ်တိတ်ဆိတ်ဆိတ်ပဲ ပြင်ပမှာနေထိုင်တယ်။ တစ်ယောက်ကိုတစ်ယောက် နားလည်အောင် ငေးကြည့်နေကြရအောင်။ ငါ့မျက်ဝန်းနဲ့ မင်းမျက်ဝန်း အကြည့်ချင်း သော့ခတ်ထားကြေး။ ကဲ ဘယ်လိုလဲ။

Tuesday 18 February 2014

စည်းအပြင်က လူ


ချစ်သည်။ အလှဆင်ကာ ချိတ်ဆွဲထားသည့် မီးပုံးလေးများကို ချစ်သည်။ အလှဆင်ချိတ်ဆွဲထားသည့် အပြုံးများကို ချစ်သည်။ အလှဆင်တွဲဆက်ထားသည့် လက်ကလေးများကို ချစ်သည်။ သို့သော် ကျွန်တော်က ဆူးတစ်ချောင်း ဖြစ်လို့နေခဲ့သည်။
ကိုယ်ချစ်ခင်ရသော အရာဝတ္ထုများ၊ လူများ နာကျင်သောအခါ ကျွန်တော် သေလုမတက်ခံစားရပါသည်။ ထို့အပြင် ထိုသို့နာကျင်အောင်လုပ်သူသည် ကျွန်တော်ကိုယ်တိုင်ဖြစ်နေသောအခါ ပိုလို့ပင် နာကျင်ခံစားရ၏။
“လူတောမတိုး၊ လူရာမဝင်” ဆိုသည့် စကားကို ကြားဖူးပါသလား။ ကျွန်တော်က လူတောမတိုးသည့် ဆူးတစ်ချောင်းဖြစ်ပါသည်။ လူရာမဝင်သည့် ဆူးတစ်ချောင်းဖြစ်ပါသည်။ စိတ်ကြီးက မည်မျှပင်သံယောဇဉ်ရှိသည်ဟုဆိုဆို၊ ကိုယ်သံယောဇဉ်ရှိသူမှန်သမျှကို အနာတရသာ ပေးတတ်သူမှာ မည်ကဲ့သို့ပျော်ရမည်နည်း။

Sunday 16 February 2014

ရောင်နီကတော့ သမ်းခဲ့ပြီ

“အောက် အီးအီး အွတ်”
ရောင်နီတို့သမ်းပြီ။ အလင်းပျို့ပျို့ အန်ချေပြီ။ လက်မှကတ်ကြေးသည် အရှေ့တိုးရမည်လေလား။ အနောက်ဆုတ်ရမည်လေလား။ မျက်ရည်ကြည်တို့ ပြည့်နှက်နေသည့် မျက်ဝန်းဝိုင်းဝိုင်းလေးကို အာရုံတွင်ပြန်မြင်မိသကဲ့သို့ရှိ၏။
“ဟင့်အင်း ဟင့်အင်း ဘဘတို့နဲ့ပဲ နေခဲ့မယ် ဘဘတို့နဲ့ပဲ နေခဲ့မယ် ဘဘတို့နဲ့ပဲ နေပါရစေ”
တစ်ရက်မှသည် တစ်ပတ်တန်ခဲ့ပြီ။ သွားခေါ်တိုင်း ခေါင်းတခါခါလည်တခါခါနှင့်ငြင်းတတ်သည့် သမီးငယ်။ သူ့အဘိုးအဘွားရှေ့မှာ ဆွဲခေါ်လို့မရ၊ ရိုက်နှက်ခေါ်လို့မရနှင့် နောက်ဆုံး အဖေ့ သံသယမျက်လုံးကိုပါ အေးမိရင်ဆိုင်ခဲ့ရပြီးပြီဖြစ်သည်။
အကြည့်တို့ မှုန်ဝါးလာမှုသည် မျက်ရည်ကြောင့်လား။ ရင်တွင်းအပူကြောင့်လား။ ဝေခွဲမရခြင်းများစွာနှင့် အေးမိ ကတ်ကြေးကို ပို၍ခပ်တင်းတင်းဆုပ်ကိုင်လိုက်သည်။

အဆိပ်မိ ည

စိတ် ကြီး အကျည်း တန်တဲ့ ညနေနဲ့ ကျွန်တော့် ရှင်သန်မှုဟာ သိပ် မှောင်လွန်းတယ်။
ပျော်ရွှင်မှုတွေဝေမျှဖို့ ဘယ်လိုစကားနဲ့ တီးခတ်ရမလဲ။ ကိုယ် သိပ်ကြောက်တဲ့ တွေးခေါ်မှုတွေဟာ ကိုယ့်စိတ်ကိုအမြဲပိုင်စိုးတယ်။ လူတော့လူပဲ။ အ တယ် ထင်ထင်၊ ဘောင်မှာ နေသားကျလျှက်သား။ ဆူပါဆိုရှယ် ဖြစ်ဖို့ လေ့ကျင့်ဖို့ မေ့လျော့ခဲ့တယ်။ ကိုယ့်စိတ်တစ်ခုလုံး ဝေမျှခဲ့ဖူးတာပဲ။ အဆုံးသတ်ကျတော့လည်း ကိုယ့်လက်ခံမှုကိုယ်စီနဲ့ ကိုယ့်လမ်းကိုယ် လျှောက်လျှက်သား။ ဘာတွေဘယ်လို တွေးဆရမှာလဲ။ ကိုယ့်မယုံကြည်မှုကိုယ်စီနဲ့တိုးဝင်မိခဲ့တဲ့ လမ်းတွေမှာ ရိုက်ခတ်မှုတွေ မတူညီဘူး။

လွမ်းချင်း

ကမ္ဘာကတော့ လည်မြဲလည်နေမှာပဲ။သူ့တိမ်းစောင်းမှုကို တကူးတကရှာဖွေသူအတွက် လမ်းပြပေးလိမ့်မယ်။ ရှင်သန်မှုဟာ မဖြစ်မနေလိုအပ်သူဆီပဲ ရောက်လိမ့်မယ်။ ဒါကိုက နိယာမ မဟုတ်ဘူးလား။

တစ်နေ့ပေါ့

“ဘာတွေဖြစ်နေတာလဲ”

ကိုယ့်မေးခွန်းမှာလှည့်ကြည့်မလာတဲ့ သူ့သဏ္ဍန်ဟာ တစ်စုံတစ်ခုကို အတွေးလွန်နေသလိုပါပဲ။ ဒါမှမဟုတ် ကိုယ့်စကားသံကို ကြားနိုင်စွမ်းမရှိတာ ဖြစ်ချင်ဖြစ်မယ်။ ကိုယ် သိပ်ညံ့ခဲ့တာပဲ။ နှလုံးသားတစ်ခုလုံးရင်းပြီး ချစ်ခြင်းမေတ္တာကို ပုံအောထားခဲ့မယ်ဆိုရင် ကိုယ်ပြောသမျှစကားတွေ သူကြားမယ်ထင်ခဲ့တာ။ ခု ဒီမေးခွန်းဟာ ဆယ်ခါမြောက်မေးခြင်းပဲ။ သူ မကြားခဲ့ဘူးဆိုတာ သေချာပါတယ်။

“စိတ်အခင်းအကျင်းဟာ လိုက်မမီနိုင်လောက်အောင်ထိ ဝင်္ကပါဆန်နေတဲ့အခါ ကျွန်တော် သိမ်ငယ်လာမိတယ်”


ပေါင်း နုတ် မြှောက် စား
ခုထိ မကျွမ်းကျင်သေးတဲ့အရာပဲ
လမ်းတစ်ဝက်ရောက်ြ့ပီလား
အရှေ့ဆီ ငေးလေသမျှ
ဝေးနေဆဲ လမ်းကြောကိုပဲ မြင်တဲ့အခါ
စိတ်ကြီးက ပိုပိုမောလာ။

Sunday 9 February 2014

ဥယျာဉ်မှူး

အလင်း အလင်းလား။ ကိုယ်ရှိနေတဲ့နေရာမှာ အလင်းတွေကြီးစိုးနေတာလား။ ဆစ်ခနဲ စူးလာတဲ့ အမှောင်။ အိုး နှလုံးသားမှာ သွေးစိမ်းရှင်ရှင်ထွက်လို့။ ဒါ ဘယ်သူတီးခတ်လိုက်တဲ့ အမှောင်တေးသွားလဲ။ နှလုံးသားတစ်ခုလုံး သွေးလွန်လုလု။

---+++++++----------

စိမ်းညို့နေတဲ့ မျက်ဝန်းတွေ ပြေး။ မနားတမ်းပြေးနေတာလား။ ဟေး ခဏရပ်ပါ။ ငါ မင်းနောက်ကို လိုက်တာဖမ်းချင်လို့မဟုတ်ပါဘူး။ ခဏလေး။ ဘဝရဲ့ ပြည့်စုံမှုကို ရှာချင်လို့။ ဘဝရဲ့ ပြည့်စုံမှုကို ရှာချင်လို့ပါ။

ငါတို့ ရိုးသားဖို့ မေ့ခဲ့ကြ

ငါတို့ ရိုးသားဖို့ မေ့ခဲ့ကြတယ်
---xxx----




အရှေ့အရပ်က နေထွက်တယ်
ဘယ်သူပြောခဲ့သလဲ ဒါဟာအရှေ့ပါလို့
ဒီသီဝရီကို အမှန်တရားလို့ လက်ခံရင်းနဲ့ပဲ ငါတို့
ရှေ့ဆက်
စောဒက ဆိုတဲ့စကားကို မေ့လျော့ထားခဲ့တာ ဘယ်လောက်ကြာခဲ့သလဲ
အနောက်ရပ်ဆီ နေဝင်တယ်

Thursday 6 February 2014

ကောင်းကင်ပြာ တစ်နေရာတော့ ညိုလိမ့်နိုး

“ကောင်းကင်ပြာ တစ်နေရာတော့ ညိုလိမ့်နိုး..”
-----xxxxx---------
 “မရည်ရွယ်ပါဘဲ ကာယကံ ဝစီကံ မနောကံတို့ဖြင့် ပစ်မှားခဲ့ရင် ခွင့်လွှတ်ပေးပါ ”
နှုတ်မှဆိုကာ လက်အုပ်ချီမိုးလို့ ရိုရိုကျိုးကျိုးကန်တော့လိုက်စဉ် မမမွန်မျက်ဝန်းထောင့်စွန်းလေးမှ ငွေရောင်ခပ်လဲ့လဲ့ကို မြင်တွေ့မိလိုက်လေသလား။ ဟင့်အင်း။ မေ အမြင်မှားတာပါ။ မေအမြင်မှားတာနေမှာပါ။ မနေ့ကတည်းက ထုတ်ထားခဲ့သော မမမွန်၏ဘွဲ့ဓါတ်ပုံလေးကို ထုတ်ပေးလိုက်ရင်း
“အိမ်မှာ တွေ့လို့ ယူလာတာ၊ ” ဟု ပြောလိုက်သည်။

 “ဘာ့ကြောင့်ပြောင်းမှာလဲ ငါ့ညီမရယ် ရန်ကုန်မှာ ညည်းဆွေမျိုးသားချင်းဆိုလို့ မွန်တစ်ယောက်တည်းရှိတာကို”
“မဟုတ်ဘူး အစ်ကို ရုံးက သူငယ်ချင်းတွေနဲ့အတူ အဆောင်မှာနေမှာလေ တက္ကသိုလ်ကတည်းက မမမွန်ဆီမှာနေခဲ့တာဆိုတော့ အဆောင်နေအဆောင်စားဘဝတစ်ခါမှ မကြုံဖူးဘူးမဟုတ်လား ခု အဆောင်သူအဖြစ်ကို ခဏလောက် သွားနေကြည့်ချင်လို့ အဖေ့ဆီလည်း ခွင့်တာင်းတော့ အဖေက ခွင့်ပြုတယ်လေ”
“အေးအေး ငါ့ညီမ မိမေတစ်ယောက် သွားလမ်းသာလို့ လာလမ်းဖြောင့်ပါစေကွာ မွန် ဆုတောင်းပေးလိုက်ဦးလေ ဘာလုပ်နေတာလဲ”
“အင်း မမွန်….”

မမမွန် ဘာမှမပြောနိုင်ခင်ပင် မေ ကန်တော့လိုက်သည်။ ထို့နောက် ပုဆစ်တုပ်ထိုင်နေရာမှထကာ အထုပ်အပိုးများဆီသို့ လျှောက်သွားလိုက်မိရင်း

“မေ သွားတော့မယ် အစ်ကို”
“ဟ နေဦးလေ ငါလိုက်ပို့ပေးမယ် ..”
“အဟက်..”

အိုး စိမ်းလိုက်တာ။ ဖျတ်ခနဲ သတိမျက်ဝန်းအဖြစ်ပြောင်းသွားသည့် မမမွန်ကို မေမြင်လိုက်ရသည်မဟုတ်လား။ ဘာရယ်ကြောင့်မသိ နှုတ်ခမ်းမှ ရယ်သံတစ်ချက်ပြုမိသည်။ ထို့နောက်
“မေ ကားငှားထားတယ် အစ်ကို …. ”
နောက်လှည့်မကြည့်စတမ်းပေါ့။ အရှေ့ဆီမှ အငှားကားဆီ ခြေလှမ်းအစုံကို အရှိန်မြှင့်လျှောက်လှမ်းလိုက်သည်။ အိုး ကြားလိုက်မိပြန်ပြီ။ ရှိုက်သံလား။ ဟင့်အင်း။ မဖြစ်နိုင်ဘူး။ မဖြစ်နိုင်ပါဘူး။ ဒါ မမမွန် စိတ်ချမ်းသာဖို့အတွက် မေ ဖယ်ခွာသွားတာပါ။ မမမွန်ကို ချစ်တဲ့အချစ်တွေကို မေ ဖယ်ခွာလိုက်ရုံပါလေ။ သို့သော် မမမွန်ဆီက လက်ဆောင်တစ်ခုတော့ မေ့ဆီပါလာတာ သေချာသည်။ မမမွန်ဆီမှ ပါလာသည့် ဆူးတစ်ချောင်းကိုတော့ သေသည့်တိုင် မေဆွဲမနုတ်နိုင်တော့မည်မှာ သေချာနေပြီဖြစ်၏။
ကောင်းကင်ကို သတိတရ မော့ကြည့်မိလိုက်တော့ ကောင်းကင်သည် ပြာလွင်လျှက်ရှိသည်။ ကောင်းကင်ပြာ။ ကြည်လင်ရှင်းသန့်နေသည့် ကောင်းကင်ပြာ။ မေ့ဦးခေါင်းထက်ရှိနေသည့် ကောင်းကင်ကြီးကတော့ ပြာပြာလွင်လွင်နှင့် ရွှန်းလဲ့တောက်ပနေသည်။ ကောင်းကင်၏ တစ်နေရာရာမှာကော ညိုမှောင်နေမှာလား။ အတွေးနှင့်အတူ “လှလိုက်သည့် ကောင်းကင်ပြာ” ဟု တီးတိုးရေရွတ်မိရင်း ဖျတ်ခနဲ မေ ခေါင်းငုံ့လိုက်သည်။ ကောင်းကင်ပြာကို မော့ကြည့်ရင်း အားတင်းထားရသော မျက်ရည်စတို့က တားမနိုင်ဆီးမရ ပြိုကျတော့မည် မဟုတ်ပါလား။
မေ့ ဝဲဘက်ရင်အုံအောက်ကတော့ တဆစ်ဆစ်ကိုက်ခဲလျှက်ရှိသလို မေ့ ဦးခေါင်းထက်က ကောင်းကင်ပြာ၏ တစ်နေရာရာတွင်တော့ မှိုင်းညို့နေပါလိမ့်မည်။ သေချာပါသည်..လေ။

 (၁)

ရက်စက်တယ် ဆိုသည့် စကားလေးဖြစ်တည်ရာနေ့ကို မေ တွေးနေမိသည်။ ထိုနေ့က မမမွန်တို့ အပြင်သွားခိုက် ဖုန်း လာသည်။
“ကလင် ကလင် ကလင်”
အဝတ်လျှော်စက်ခလုတ်ကို ဖျတ်ခနဲပိတ်လိုက်ပြီး ဧည့်ခန်းဆီသို့ အပြေးလေးသွားလိုက်မိ၏။ မမမွန်တို့ကလည်း အပြင်သွားနေသည်၊ ဖုန်းကလည်း မေ တစ်ယောက်တည်းရှိချိန်မှ လာသည်ဟု စိတ်က တွေးလိုက်မိရင်း ဖုန်းကို ကောက်ကိုင်လိုက်သည်။

“ဟယ်လို အမိန့်ရှိပါရှင်”
“အေး မေလား ”

အသံမာဖြင့် တစ်ဖက်မှ ခေါ်လိုက်သံကြောင့် မေ ရုတ်ခြည်းစဉ်းစားသွားမိရရင်း အဖေ့ အသံကို ကျက်မိသွားသည်မို့

“ဟုတ်ကဲ့ အဖေ မေပါ မမမွန်က အပြင်ကိုသွားတယ် ဒီနေ့ နွယ်လေးတို့ကျောင်းမှာဆုပေးပွဲရှိလို့တဲ့ အဲဒါ အဖေ့မြေးကိုသွားအားပေးကြလေရဲ့ နွယ်လေးက အရင်နှစ်က ပထမဆုကို ဒီနှစ်မှာယူရမှာလေ အဖေ့မြေးကတော်ချက် အဖေရယ်..”
“အဲဒါ အသာထားစမ်း ပြောစရာရှိတယ် သမီး ဘယ်တော့ပြန်လာမှာလဲ ရေနံချောင်းကို”
“အခုက သမီးက အလုပ်ဝင်နေပြီလေ အဖေကလည်း ရုံးအားရက်ရောက်မှ ပြန်လာလို့ရမှာပေါ့ အဖေတို့စိတ်ချရအောင် မမမွန်ဆီမှာပဲ နေတဲ့ဟာကို ”
“ဖြစ်နိုင်ရင် အလုပ်က ခွင့်ယူပြီး အမြန်ဆုံးပြန်လာနိုင်မယ့်ရက် သိချင်တယ်”

တကယ်ကို အရေးတကြီးနိုင်လှသည့် အဖေ့အသံကြောင့် မေ အနည်းငယ်ထိတ်သွားမိသည်။ ဘယ်သူဘာများဖြစ်လို့ပါလိမ့်။ အဖေကတော့ မဖြစ်နိုင် ။ ဖုန်းပြောနေသည်မဟုတ်လား။ ဒါဆို အမေများလား။

“ဟုတ် လာမယ့် ပြည်ထောင်စုနေ့မှာပိတ်မယ်ဆိုတော့ ၁၁ နေ့ည ပြန်ခဲ့မယ် အဖေ ၁၂ ရက်နေ့ရောက်မှာပေါ့ အဖေတို့အရေးကြီးတယ်ဆို မေခွင့်တစ်ရက် ထပ်တင်လိုက်မယ်လေ”
“အေး ဟုတ်ပြီ ၁၂ ရက်နေ့ အရောက်လာခဲ့ ဒီကိုမလာခင်မှာ နေမျိုး နဲ့ သိပ်အရောတဝင်မနေနဲ့ ကြားလား၊ မိမွန်ကိုလည်း ဘာမှပြောမနေနဲ့ ရုံးအားရက်မို့ အိမ်ပြန်မယ်လို့သာ ပြောလိုက် ကြားလား”

ဖုန်းချသွားတာ ဘယ်အချိန်ကလဲဟု မေမသိလိုက်။ မေ သိလိုက်တာက နေမျိုးနှင့်အရောတဝင်မနေနဲ့ ဟူသည့် စကားသာဖြစ်သည်။ ဒီစကား ဘာ့ကြောင့်ဖြစ်ပေါ်လာရပါသလဲ။

---
နေမျိုးနဲ့ သိပ်အရောတဝင် မနေနဲ့ ဆိုသည့် စကား၏ အဓိပ္ပါယ်ကို မေ မွေးရပ်မြေကို ပြန်အရောက်မှာတော့ ရင်ကွဲမတက် သိလိုက်ရပါသည်။ မေနဲ့ ကိုနေမျိုး ကို မမမွန်က စိတ်မချ ဘူး တဲ့လား။ ခါးသည်။ သိပ်ခါးသည်။ ကြားလိုက်ရသည့် အမေ့အသံသည်လည်း ခါးသည်။ အဖေ့ဒေါသမျက်ဝန်းတို့သည်လည်း ခါးသည်။ မေ့သိက္ခာကြီးသည်လည်း ခါးလှသည်။

“ကိုယ့်အစ်မအရင်းပေမယ့် ခဲအိုနဲ့ကျတော့ တစိမ်း မဟုတ်လားကွယ် အနေအထိုင်က မောင်နှမလိုရင်းနှီးတယ်လို့ ဘယ်လိုပြောပြော ကြာလာတော့ သူ့စိတ်ထဲမလည်း် တမျိုးမြင်လာနိုင်တယ်လေ”

အမေ့စကားနောက်မှ အရိပ်ကလေးများကို မေ ဘာ့ကြောင့် မြင်နေရပါသလဲ။

“အနေမတတ်အထိုင်မတတ်နဲ့ မြို့ကြီးပြကြီးမှာ အလုပ် လုပ်ချင်သေးသပဆိုလည်း အဆောင် ရှာစေချင်တယ် ငါကတော့… ကိုယ့်အနေအထိုင်မတတ်မှုကြောင့်မဟုတ်ဘူးဆိုတောင်မှ အနည်းဆုံးတော့ စိတ်လွတ်ကိုယ်လွတ် အနားယူနိုင်တယ်မဟုတ်လား”

စစ်သားဟောင်းကြီး ဖြစ်တဲ့ အဖေ့စကားသံမာမာနောက်သို့ လိုက်ကြည့်မိရင်း မေ့အတွက် မခံချင်စိတ်တို့ ရုန်းကြွနေသလားဟု မေတွေးမိသည်။ မေ အနေအထိုင်တတ်ခဲ့ပါတယ် ဆိုသည့် စကားကို မည်သူ့ထံတိုင်တည်ရမလဲလေ။ မေ့ ကို တိုက်ရိုက်ဆူတာမဟုတ်ပါဘဲ တစ်စုံတစ်ယောက်ထံမှ စကားကြောင့်သာ မေ့ကို သွယ်ဝိုက်သင်ကြားပေးနေတာဖြစ်သည်မဟုတ်ပါလား။ မေ အနေအထိုင်တတ်ခဲ့ပါတယ်။ မေအနေအထိုင်တတ်ခဲ့ပါတယ်။

“မမမွန်မရှိဘဲ နွေးလေးနဲ့ ကိုနေမျိုးနဲ့တောင်အတူတူမရှိဖြစ်အောင် နေပါတယ် အမေရယ်။ ရင်းနှီးတယ်ဆိုတာကလည်း သာမန်ခင်မင်သူတစ်ယောက်လိုပါပဲ တစ်အိမ်တည်းနေလို့ စကားပြောဖြစ်တာတွေပဲရှိတာပါ တစ်ခါတစ်လေ ကိုနေမျိုးရုံးကပြန်လာချိန်နဲ့ မေ ရုံးကပြန်လာချိန်နဲ့ တိုက်ဆိုင်ပြီး အိမ်ကို အတူရောက်ဖြစ်တာမျိုးတွေရှိတတ်ပေမယ့် အဲဒါက..”
ဖြေရှင်းရင်း ဝမ်းနည်းလာသော မေက
“မမမွန်က ပြောတာလား မေ့ကို ကိုနေမျိုးနဲ့ သရိုးသရီဖြစ်မှာစိုးရတယ်လို့ ပြောသူက”
မေ့ မေးခွန်းမှာ အဖေရောအမေပါ ငြိမ်ကျသွားခြင်းဟာ မေ့စကားအမှန်ဟု ဝန်ခံရာရောက်လေသည်လား။ မေ့စိတ်မှာ ဆစ်ခနဲ။ ရောက်ကတည်းက ဘုတ်ခနဲပစ်ချထားသော ခရီးဆောင်အိတ်ကို ကောက်ကိုင်လိုက်ရင်း မေအံကြိတ်ကာ တစ်လုံးချင်းရေရွတ်လိုက်မိတော့သည်။
“မမမွန်ကို မေကိုယ်တိုင် သွားမေးမယ် သူ တကယ်ကို ထင်တယ်ဆိုရင် သူ့ကို ကန်တော့တောင်းပန်ပြီး ဆင်းလာခဲ့မယ် တကယ်လို့ ဒီစကားပြောသူဟာ သူမဟုတ်ဘူးဆိုရင် အမေတို့ကိုယ်တိုင် ကြားစကားပါးသူ ဘယ်သူလဲဆိုတာကို ပြောပေးပါ”
ရုတ်တရက် မေ့ လက်ကို ဆွဲကိုင်လိုက်သည်က အမေ။ အမေ ဆွဲခေါ်ရာနောက်သို့ သိစိတ်မဲ့သူတစ်ယောက်ပမာ လိုက်ပါနေမိရင်း သတိဝင်တော့မှကြည့်မိတော့ အိပ်ခန်းတွင်းပင်ရောက်ချေပြီဖြစ်သည်။
“သမီး ငိုချလိုက် ငိုချင် ငိုချလိုက် ဒါပေမယ့် ဒါ အမှန်ပဲ မွန်ကိုယ်တိုင် ဖုန်းဆက်ရင်းနဲ့ ပြောသွားတာ သူသေရင်တော့ သူ့နေရာကို မေ့ ကို အစားထိုးခိုင်းလို့ရပြီ တဲ့လေ ပြီးတော့ သူပြောသွားတဲ့ စကားတွေက အဲဒီနေရာမှာပဲ တဝဲလည်လည်ဖြစ်နေတယ် ဒါ့ကြောင့် အမေ မေးလိုက်တာ မေ့ကို နေမျိုးနဲ့ သရိုးသရီဖြစ်မှာကြောက်နေတာလား လို့ မေးတော့ သူက မကြောက်ပါဘူးတဲ့ ဒါပေမယ့် စကားတင်းဆိုခံထိမှာကြောက်တာပါ တဲ့ ဒါပေမယ့် မေရယ် ဒီလောက်ဆို..”
အမေ မဆက်သော စကားများစွာကို မေသဘောပေါက်သည်။ သဘောပေါက်ပါသည်။ မမမွန်သည် သူ၏ဝမ်းမနာသမီးကို သူကိုယ်တိုင် အထင်လွဲရက်ခဲ့ပြီ။ မေကကော၊ မေက သူ့ယောက်ျားကြီးကို ဘာလုပ်ရမှာလဲ ဟု ဒေါသတကြီးတွေးရင်း ဝမ်းနည်းစိတ်တို့သည်သာ လှိုက်တက်လာတော့သည်။ ထို့နောက် ခေါင်းအုံးပေါ်မျက်နှာအပ်ရင်း တအိအိနှင့် ငိုလိုက်မိတော့ အမေ အခန်းတံခါးပိတ်ကာ ထွက်သွာတော့၏။ မေ့ ရဲ့ မမမွန်အတွက် မေ ဘာလုပ်ပေးရမလဲ ဟူသည့် အတွေးတို့သာကြီးစိုးရင်း ထိုညကိုတော့ မအိပ်ဘဲ မိုးလင်းစေမိလိုက်တော့၏။

(၂)

လျှောက်လက်စခြေလှမ်းတို့ ဖျတ်ခနဲ တန့်၏။ ယခင်စိတ်နှင့်သာဆိုလျှင် အိုး လှလိုက်တာ ဟု အော်ကြီးဟစ်ကျယ်ခုန်ပေါက်နေမိလေမည်လား။ ယခုတော့ ပူသည်။ မြင်နေရသည့် အနီရောင်လက်ပံပွင့်များ ပူလွန်းလှသည်။ ဆေးရုံဝင်းကြီးအတွင်းမှ လက်ပံပင်ကြီးကတော့ တစ်ပင်လုံးဝေဆာစွာ ပွင့်လန်းနေသည်။ လက်ပံပင်အောက် လျှောက်လာမိရင်း မျက်ဝန်းအစုံကို ဖျတ်ခနဲမှိတ်ကြည့်တော့ လက်ပံပင်အောက်က လက်ပံကောက်နေသည့် မေနှင့်မွန်ကို မေ တွေ့လိုက်ရသည်။ မေ့ခေါင်းတွင် လက်ပံပွင့်ကြီးပန်လို့၊ မေ့ခါးမှာ ခြင်းတောင်းလေးတင်လို့၊ မွန်ကတော့ တစ်ပွင့်ပြီးတစ်ပွင့်ကောက်ကာ မေ့ခြင်းတောင်းလေးထဲ လက်ပံပွင့်ကြီးများလာထည့်လို့။ အိုး အဲသလိုများကောက်ပြီးရင်တော့ အမေက မေတို့တစ်အိမ်သားလုံးကို လက်ပံပွင့်ချက် ကို တဝကြီးချက်ကျွေးတော့တာပေါ့။ အိမ်စရိတ်ဖူလုံတယ်ဆိုပြီးတော့လည်း မုန့်ဖိုး ပိုပေးသေးတာ။ ခုတော့ မမမွန် လက်ပံပွင့် မကောက်ချင်တော့လေပြီလား။ ဒါမှမဟုတ် လက်ပံပွင့်ကောက်ခဲ့သည့် နေ့ရက်တို့ကို မေ့ခဲ့လေပြီလား။

မေက မမမွန်ထက် အသက် ငါးနှစ် ငယ်သည်မို့ မမမွန် လေးတန်းတက်ရသည့် နှစ်တွင်မှ မေ သူငယ်တန်းတက်ရသည်။ ဟောဟိုးက ဓါတ်မီးကျောင်းကြီးပေါ့။ မေနှင့်မွန်တို့ တက်ခဲ့သည့်ကျောင်းလေး။ နေ့လယ်မုန့်စားဆင်းချိန်ဆို မေရေ လို့ လာလာခေါ်ပြီး ထမင်းခွံ့ကျွေးသူ မမမွန်။ မနက်ဆိုလည်း မေခြေထောက်ညောင်းပြီဟု ဆိုလိုက်သည်နှင့် မေ့ကို ကုန်းပိုးကာ ကျောင်းသွားတတ်သည့် မမမွန်။ အခု ထိုမမမွန် ပျောက်လေပြီလား။

ဆေးရုံဝင်းကို ကျော်လာသည်မှာ မည်မျှပင်ကြာပြီမသိ။ မြို့လယ်ခေါင်ဘက်ချိုးကွေ့မှ မေ သတိဝင်မိသည်။ ရေနံချောင်းရဲ့ တစ်ခုတည်းသော မြို့လယ်လမ်းမကြီးမှာ မေတို့တက်ခဲ့သည့် အထက(၁) ကျောင်းတော်ကြီး ရှိသည်မဟုတ်ပါလား။
….

“မင်္ဂလာပါ ဆရာမ ညီညီညာညာ နှုတ်ဆက်ကြ”
အော်ရင်းဟစ်ရင်းမှာပင် မေ့မျက်ဝန်းတို့သည် တိုင်အကွယ်လေးမှ မေ့ကို ချောင်းကြည့်အားပေးနေသော မမမွန်ကို မြင်လိုက်ရသည်မို့ လေသံပင်ပိုကျယ်လာသလိုထင်ရ၏။ မေက ယခုမှ ကျောင်းပြောင်းလာတာဖြစ်ပြီး မမမွန်ကတော့ ငါးတန်းနှစ်ကတည်းကကျောင်းပြောင်းသွားသည်မှာ ယခုဆို ကိုးတန်းကျောင်းသူကြီးပင် ဖြစ်ချေပြီ။ မေကတော့ ငါးတန်းကျောင်းသူအသစ်စက်စက်မို့ ကူကယ်မယ့်သူမရှိသည့် သဏ္ဍာန်ဖြင့် အားငယ်နေခဲ့တာဖြစ်သည်။ ကျောင်းဝန်းထဲဝင်လာကာစက မမမွန်နှင့်အတူမို့ ခြေလှမ်းတို့ အားပြည့်အင်ပြည့်ခဲ့သော်လည်း ကိုယ့်ကျောင်းခန်းကိုယ်စီဝင်ရချိန်မှာတော့ အားငယ်စိတ်က ငေါက်ခနဲ ထောင်သည်။

“ဒီကျောင်းက ဆရာ ဆရာမတွေကလည်း အရင်ကျောင်းကလိုပဲ ကျောင်းသားလိမ္မာရင် ချစ်တာပဲ မေရဲ့ မဆိုးနဲ့နော် ကိုယ့်သန့်ရှင်းရေးအလှည့်ဆို အမြဲစောရောက်ဖို့ကြိုးစားပြီး သန့်ရှင်းရေးလုပ်ရုံ၊ စာကြိုးစားရုံပဲ အရင်ကျောင်းအတိုင်းပဲ ဘာမှမပြောင်းလဲဘူး ဟုတ်ပလား”

လမ်းလာစဉ်တစ်လျှောက်လုံး မမမွန်က ထိုစကားသာ ဆိုခဲ့တာဖြစ်ပြီး မေကလည်း မမမွန်ထိုစကားဆိုတိုင်း ခေါင်းညိတ်မြဲညိတ်ပြခဲ့တာဖြစ်သည်။ သို့သော် ကျောင်းခန်းထဲရောက်သည့်အချိန်မှစ အတန်းပိုင်ဆရာမကို စောင့်နေသည့် အချိန်အတွင်း အတန်းပိုင်ဆရာမ ရုပ်ချောမှချောပါ့မလား၊ အတန်းပိုင်ဆရာမ သဘောကောင်းမှကောင်းပါ့မလားဟု တွေးပူရင်း မေ့ကို မချစ်မှာကိုလည်း စိုးကြောက်နေမိသေးသည်။

ယခုတော့လည်း ထိုအတွေးများက သူမဟုတ်ခဲ့သလိုပင်။ အကြောက်တရားတို့ မရှိပြန်တော့။ မမမွန်က မေ့ကို တတာ ဟု လက်ကလေးပြကာပင်နှုတ်ဆက်သွားပြီဖြစ်၏။
--++----
အိုး မေ့ရဲ့ မမမွန် ဘယ်ပျောက်သွားပါသလဲ။ မေတ္တာတရားကိုပင် သစ္စာယွင်းအပ်သူဟု မေ့ကို စွပ်စွဲရက်တဲ့ မမမွန်သည် မေ့ မမမွန် မဟုတ်။ မဟုတ်ပါလေ။ မေ့မမမွန်သည် မေ့မေတ္တာတရားကို ယုံကြည်ဖြစ်သည်။ မေ့သစ္စာကို ယုံကြည်သူဖြစ်သည်။ ယခု မမမွန်သည်…။ အရာရာသည် အနီရောင်သမ်းနေပါ့လား။ အိုး ကျောင်းတော်ကြီးမှာလည်း စိန်ပန်းနီတွေ သဲသဲလှုပ်လှုပ်။ ကျောင်းတော်ကြီးရေ မေ့မမမွန်လေ မေ့မမမွန် အခု ပြောင်းလဲသွားပြီတဲ့။ တိတ်တခိုးရွတ်ဆိုမိရင်း တလုံးတခဲပြိုကျလာသည့် မျက်ရည်စတို့နှင့်အတူ မေ့ခြေလှမ်းတို့ကို နောက်ကြောင်းပြန်လှည့်လိုက်သည်။ အဖြေဆိုသည်မှာ ခုနှစ်ဆယ့်ငါးရာခိုင်နှုန်းသေချာနေသော်ငြား ကျန် နှစ်ဆယ့်ငါးရာခိုင်နှုန်းကို မေ ဖမ်းဆုပ်ထားချင်ပါသည်။ ထို နှစ်ဆယ့်ငါးရာနှုန်းတွင် မေ့ မေတ္တာ၊ မေ့သစ္စာ၊ မေ့ယုံကြည်မှုနှင့် မေ့ဘဝ တို့ မြုပ်နှံထားသည်ဟု မေမယုံမရဲ တွေးမိရင်း ရန်ကုန်ပြန်ဖို့ ကားလက်မှတ်ဖြတ်ဖို့ ဖုန်းဆက်ရန်ပြင်လိုက်သည်။
“ဟယ်လို ကျွန်းဆွယ်ကားဂိတ် က လားရှင့်”

(၃)

“မမမွန် ….ကိုနေမျိုးနဲ့ မေ့ကို တစ်မျိုးတစ်မည်မြင်ဘူးသလား စိတ်မချဖြစ်ဘူးသလား”
“ဘာတွေလာမေးနေတာလဲ မေ ခရီးရောက်မဆိုက်ကွယ် သွားသွားနားချေတော့။”

မျက်နှာပျက်ပျက်နှင့် စကားဆိုလာသော မမမွန်ကို မေအလျှော့မပေးစတမ်း မျက်တောင်မခတ်ကြည့်နေမိရင်း ထပ်မေးလိုက်မိသည်။

“မေက ကိုနေမျိုးနဲ့ ဖေါက်ပြန်ဖြစ်နိုင်တယ်လို့ မမမွန် တကယ်ပဲ တွေးမိခဲ့သလား”
မေ့ကို စူးစိုက်စွာကြည့်လာသော မမမွန်အကြည့်ကို မေမျက်နှာမလွှဲ။
“ဖြေပါ” ထပ်မံပြောလိုက်သည့် မေ့စကားကိုနားထောင်ရင်း မမမွန် မျက်နှာလွှဲဖို့ ကြိုးစားလိုက်သည်ကို တွေ့လိုက်ရသည်မို့ မေ့နှုတ်ခမ်းလေးကို ပြတ်လုအောင် ခပ်တင်းတင်းကိုက်ထားလိုက်မိသည်။

“မေ့ကို ကို နဲ့ ဖေါက်ပြန်မှုဖြစ်နိုင်တယ်လို့ ထင်တာမဟုတ်ဘူး  မေ မေ့သိက္ခာကိုလည်း မမွန် ယုံတယ် မမွန်ယောက်ျားသိက္ခာကိုလည်း မမွန်ယုံတယ် ဒါပေမယ့် မပြေးသော်ကန်ရာရှိ ဆိုတဲ့အဖြစ်တွေက အများကြီးမဟုတ်လား အဲဒါမျိုးကို တွေးကြောက်တာ မေ့ကို မယုံတာမဟုတ်ဘူး ကို့ ကို မယုံတာ မဟုတ်ဘူး”

ပြောစရာစကားမရှိစွာ “အင်း..” ဆိုသည့် ခေါင်းညိတ်သံကိုသာ သံရှည်ဆွဲလိုက်မိရင်း ရုတ်ခြည်းကျိန်းစပ်လာသော မျက်ဝန်းတို့ကို သက်သာလိုသက်သာငြား မျက်တောင်တို့ တဖျပ်ဖျပ်ခတ်လိုက်သည်။ ထို့နောက် မေနေနေကျ အိပ်ခန်းလေးသို့သာ တိုးဝင်လာလိုက်ရင်း..။
ဘယ်အချိန်ကတည်းက စပြီးတွေးတတ်ခဲ့တာလဲဆိုသည့်မေးခွန်းသည် နှုတ်ခမ်းဝမှာတင် တိုးတိတ်ဆွံ့အ။ တက္ကသိုလ်တက်ပါပြီဆိုကတည်းကလား၊ ဘွဲ့ရပြီး လုပ်ငန်းခွင်ဝင်စပြုပါပြီဆိုကတည်းကလား။ ဒါမှမဟုတ် ဒါမှမဟုတ် ဘယ်အကြောင်းအရာတွေကများ မမမွန်ရဲ့ အတွေးကို ညစ်နွမ်းစေခဲ့ပါသလဲ။ မမမွန် သိပ် ရက်စက်သည်။ ဒီလောက်ညစ်နွမ်းသည့် အတွေးကို သူမို့ တွေးဝံ့လေသည်။ အနေအထိုင်ဟာလည်း ဒူးထပ်ပေါင်တင်ဆိုသည့် အပြုအမှုမျိုးထိ မရင်းနှီးခဲ့ပါ။ ဘယ်အရာကများ မမမွန်ရဲ့ အတွေးကို ညစ်ထေးစေခဲ့ပါသလဲ ဟု တွေးရင်း မေ ငိုမိပါပြီ။ ငိုမိတော့ပြီဖြစ်၏။
စေ့စေ့တွေးမှ ရေးရေးပေါ်တော့၏။ တိရိစ္ဆာန်ဥယျာဉ်သွားမယ်ဟု မေ့ ကိုခေါ်ပြီးမှ တိရိစ္ဆာန်ရုံရောက်မှ စိတ်တိုစိတ်ဆတ်နေခြင်းများ၊ အစိမ်းရောင်မျက်ဝန်းများ။ အိုး မေထင်သလို လိုင်းကား ကျပ်၍စိတ်ရှုပ်ခဲ့ခြင်း ဟုတ်မှဟုတ်ပါလေစ။ စနေတနင်္ဂနွေရုံးပိတ်ရက်တိုင်း ရေနံချောင်းမဖြစ်မနေပြန်ဖို့ တိုက်တွန်းတတ်ခြင်းမှာ အဘယ်သို့သော အကြောင်းအရာများ ကပ်ညိနေနိုင်ပါသလဲ။ တစ်လောကလုံးမှာ တစ်အူတုံဆင်းမောင်နှမရင်းဆိုလို့ ဒီညီအစ်မနှစ်ယောက် သာရှိတာလေ။ဘယ်လိုအကြောင်းတရားမျိုးကများ မေ့သိက္ခာနဲ့ မေ့သစ္စာကို အရောင်ဆိုးဖို့ကြိုးစားနေခဲ့ပါသလဲ။

(၄)

ရက်စက်ခြင်း ဆိုသည့် စကားလုံး၏ အဓိပ္ပါယ်ကို မေ ရေးတေးတေးလေးတော့ သိပါပြီ ဟု ကိုယ့်ကိုယ်ကိုယ် အားပေးလိုက်မိသည်။ ဟုတ်သည်။ ဘဝတွင် အချစ်၊ အလွမ်း၊ အမုန်း၊ မေတ္တာတရားနှင့် တကွ ရက်စက်ခြင်းဆိုသည့် ခံစားချက်လေးကိုပါ ခံစားရမိမှ ခံစားချက်စုံသည့် ဘဝဟု ခေါ်လေသည်မဟုတ်ပါလား။ ယခုက သာမန်ရက်စက်ခြင်းပင်မဟုတ်၊ အနှိုင်းမဲ့ရက်စက်ခြင်း။ အနှိုင်းမဲ့ရက်စက်ခြင်း ဖြစ်သည်။

“ရက်စက်တယ်” ဆိုသည့် စကားမှအပ  “မမမွန် မို့ ရက်စက်ရက်တယ်” ဆိုသည့် စကားကိုပင် မသုံးရက်ပါ။ တီးတိုးသာ ရေရွတ်မိနေသည်က “ရက်စက်တယ်” “ရက်စက်တယ်” “ရက်စက်တယ်” ဆိုသည့် စကားသာဖြစ်သည်။

သိက္ခာ ဆိုသည့်အရာကို မေက လေးလေးနက်နက်မထားပါ။ သို့သော် တန်ဖိုးလည်း မနှိမ့်ချခဲ့ပါ။ မေ့အနေအထိုင်သည် မမမွန်အတွက် ဆူးခလုတ်ကန်သင်းဖြစ်ခဲ့ပါသလား။ သို့ဆိုလျှင်ဖြင့် လူငယ်ပီပီ မေကလည်း မေ့သိက္ခာလေးကို အရောင်တင်ပြချင်ပါသည်။ ကိုယ်ကိုယ်တိုင် တလေးတနက် တန်ဖိုးမမြှင့်မိခဲ့သော်လည်း ကိုယ့်တန်ဖိုးကို သူများက လာချချိန်မှာတော့ ကောင်းကင်ထိရောက်အောင် တကူးတကမတင်ထားရပါသော သိက္ခာတရားကို သစ္စာဆိုပြလိုက်ချင်စမ်းသည်။ မေသည် မမမွန်ကိုယ်တိုင် ထမင်းခွံကျွေးခဲ့ဖူးသော ဝမ်းမနာသမီးတစ်ယောက်ဖြစ်နေခဲ့သည်ကို မမမွန် မေ့နေလျော့သလား။ မမမွန်ကိုယ်တိုင် ရေချိုးသုတ်သင်ပေးခဲ့ဖူးသည့် ကလေးတစ်ယောက်ဖြစ်ခဲ့သည်ကို မမမွန်မေ့နေလျော့သလား။ မမမွန် သွေးလိမ်းပေးသော သနပ်ခါးပါးကွက်ကျားလေးဖြင့် ကျောင်းတက်ခဲ့သူဆိုသည်ကို မမမွန် မေ့များမေ့လျော့နေလေသလား။
ထိုအတွေးဖြင့် မျက်ဝန်းတွင် မျက်ရည်က အိခနဲဝိုင်းသည်။ ထိုမျက်ရည်ဝိုင်းလေးတို့ကို ကနဦးအစကလိုပင် တားနိုင်လိုတားနိုင်ငြားဖြင့် ကောင်းကင်ကို မော့ကြည့်လိုက်သည်။ ကောင်းကင်ကြီးကတော့ ပြာလွင်ဆဲ…။

ရည်ဝေ(လင်းရောင်ခြည်)

မနက်ဖြန်..

“ဘယ်လိုမျှော်လင့်ချက်ကြောင့် မနက်ဖြန်ကို နိုးထချင်တာလဲ”
ဟုတ်သည်။ လတ်တလော ကျွန်တော့်စိတ်မှာ မေးခွန်းတစ်ခု ပြင်းပြင်းပြပြဝင်ရောက်နေသည်။ မနက်ဖြန်ကို ဘယ်လိုမျှော်လင့်ချက်နှင့်ကြိုဆိုကြမလဲ ဆိုသည့် အတွေးသာ ကျွန်တော့်စိတ်တစ်ခုလုံး ကို ဖြန့်ကျက် ကြီးစိုးနေ၏။
လူတိုင်းတွင် မနက်ဖြန်ကို နိုးထဖို့ဆိုသည့် ရည်ရွယ်ချက် တစ်ခုမဟုတ်တစ်ခု ရှိကြသည်ချည်းသာဖြစ်မည်။ မနက်ဖြန်ကျောင်းသွားဖို့၊ မနက်ဖြန်စပါးရိတ်ဖို့၊ မနက်ဖြန်တရားစီရင်ဖို့…စသဖြင့် အကြောင်းတရားများစွာဖြင့် ရည်ရွယ်ချက်တို့ ပြည့်နှက်နေသည်ချည်းသာ ဖြစ်သည်။ သို့သော် မျှော်လင့်ချက်ဆိုသည့်အရာလေးကတော့ဖြင့် ရှားပါးနေသည်ဟု ထင်မိသည်။ စနေတနင်္ဂနွေကျောင်းပိတ်ရုံးပိတ်ရက်မျိုးမှာပင် အားလပ်ရက်မရှိသော လူကြီးလူငယ်ပေါင်းများစွာက ကျွန်တာ့်ပတ်ဝန်းကျင်တွင်အပြည့်ဖြစ်သည်။


Wednesday 29 January 2014

မှော်

သိပ် ထူးဆန်းတယ်
လောကကြီး။

လက်ရှိအချိန်
ရင်ထဲအောင့်သက်နေတဲ့ ခံစားချက်တွေနဲ့
စိုးရိမ်ပူပန်မှုရုပ်သံကို ဖမ်းမိနေတဲကျွန်တော်

တပြိုင်နက်တည်း
ဖေဖေမေမေအော်ရင်းတရင်း ငိုနေရှာမယ့်ကလေးတစ်ယောက်
ဘယ်လိုပြောပြော
ကိုယ့်ခံစားချက်ကြီးကမှ ပိုပူတယ်ထင်ခဲ့မိတော့လည်း..

လောကကြီး
သိပ်ထူးဆန်းတယ်။

အိပ်မက်ပျောက်ကို အတူတူတူးဆွမိသူချင်း
ကိုယ့်အိပ်မက်က ပိုပြီးအနာအဆာများနေတဲ့အခါ
တပါးသူအိပ်မက်ကို ထိခိုက်တတ်လာတယ်
မရည်မရွယ်ခဲ့ပေမဲ့
ကိုယ့်အမှားတော့ အမှန်တကယ်ဖြစ်ခဲ့တယ်။

သိပ် ထူးဆန်းတယ်
လောကကြီး။

ပျော်မလားပြေးမလား
မျက်ဝန်းရာသီတွေကို တွက်ဆစ်ကြည့်ဖို့ကြိုးစားရင်း
ကိုယ့်စိတ်နဲ့ကိုယ်ခလုတ်တိုက်နေကြသူတွေဟာ
ဖေးဖေးမမ နေထိုင်ရင်းနဲ့
မှော်တစ်ခုဖန်တီး
စိတ်ဆာပြေ ရာသီစာတစ်ခုဖြစ်
စိတ်ပျော်ရာ နယ်မြေတစ်ခုဖြစ်
စိတ်ချမ်းမြေ့ရာ ပိုင်နက်တစ်ခုဖြစ်
ဒါ တစ်နေရာစီကနေစုထားတဲ့ သွေးသားရင်းခြာ
မိသားစု ပါတဲ့။

လောကကြီး
သိပ် ထူးဆန်းတယ်။
 
ရည်ဝေ(လင်းရောင်ခြည်)

Tuesday 28 January 2014

ရင်အက်ရာသီ

“ရင်အက်ရာသီ”

ဖျတ်ခနဲ ဖြုတ်ခနဲ အသိဝင်တယ်
စည်း
တကယ့်အတည်သာ ကြုံတွေ့ဖြစ်ခဲ့ရင် ရင်တစ်ခုလုံးနင့်နေမလား

ခုထိ ငါ့နှလုံးအိမ်က မျက်ရည်စတွေ မခမ်းသေးဘူး
ဆက်လက်
တစက်စက် စီးယိုကျ

သွေး
မတော်
သား
မစပ်
ရင်ခွဲဖို့ ဓါးတစ်လက်ကို
အလိုလို ပေးအပ်မိလျှက်သား

စိတ် ကြီး မနာတတ်ခဲ့ပေမယ့်
စိတ် ကြီး နင်နေတတ်ခဲ့
စက္ကန့်မလပ် တွေးမိတဲ့ အရာတစ်ခုက
အတည်ကြီးသာ ဖြစ်ခဲ့ရင်

အောင့်သက်နေတဲ့ ရင်ဘက်ကြီးက
ခုထိအနာမကျက်ခဲ့
ဖျတ်ခနဲ ဖြုတ်ခနဲ
စည်း
ဆိုတဲ့ စကားလေးကိုသတိရလိုက်တယ်

စည်းလွတ်ဝါးလွတ်
တစ်ကိုယ်တော် ကကွက်တွေနဲ့
ငါ
ကကြိုးဆင်ခဲ့မိသလား

ကိုယ့်မျက်ချေးကိုယ်ပြန်မြင်မိတိုင်းမှာ
အားနာစိတ်တွေနဲ့
ပွဲခင်းက ထွက်ပြေးချင်နေမိခဲ့

စည်းလွတ်ဝါးလွတ် ကကြိုးဆင်ခဲ့မိတယ်ဆို
တောင်းပန်စရာ ဆိုစရာ
စကားဟာ အ ထစ် အ ထစ်
ရင်နင့်တဲ့ ရာသီ
ရင် အက် ရာသီ
ဖြိုးခနဲ ဖြောင်းခနဲ
ချိုးချိုးချွတ်ချွတ် ကျိုးကြေ
နှလုံးသား အကိုင်းအခတ်တွေ
တစ်လွှာချင်းစီ
ကြွေ
..................ကျ
.......................................ခဲ့။

ရည်ဝေ(လင်းရောင်ခြည်)

Monday 20 January 2014

လူငယ်အိပ်မက်

“လူငယ်အိပ်မက်”

ပြာလဲ့လဲ့မီးတန်းလေးများသည် တစ်ခုနှင့်တစ်ခု စပ်ယှက်လျှက် ညအမှောင်ထုကို ဖုံးအုပ်ထား၏။ ကလေးတစ်စုသည် ဆိတ်ငြိမ်စွာ ကစားနေကြသည်။ တဒေါက်ဒေါက် မြည်သံနှင့်အတူ ရောက်ရှိလာသော အဖိုးအိုတစ်ယောက်ကို မည်သူကမျှ သတိမထားမိသယောင်ရှိ၏။ အဖိုးအိုသည် တဲအိမ်များကို တစ်ချက်ဝေ့ဝဲကြည့်ရင်း ရွာလယ်ခေါင်ဟု ခေါ်နိုင်သောနေရာလောက်တွင်ရပ်လိုက်သည်။ ထို့နောက် ပြာလဲ့လဲ့မီးတန်းများကိုကြည့်ရင်း မီးပုံတစ်ခု ဖန်တီးလိုက်၏။ ထို့နောက် မီးပုံတွင်းသို့ တစ်စုံတစ်ခုအားပစ်သွင်းလိုက်သလိုရှိ၏။ တစ်စုံတစ်ရာကိုလည်း တိတ်ဆိတ်စွာ ရေရွတ်နေပြန်သည်။ ထို့နောက် ညသည် ဆိတ်ငြိမ်ခြင်းနှင့်အမှောင်ကို ပို၍အားဖြည့်ပေးလိုက်သည့်အလား။ ကမ္ဘာလောကသည် ပို၍ပို၍ တိတ်ဆိတ်စွာ အေးစက်လာသည်။

Wednesday 15 January 2014

မီးခိုးမြို့တော်


“မီးခိုးမြို့တော်”

ကျဥ်းကျုတ်နေတဲ့ အခန်းကျဉ်းလေးမှာ ပြန့်ကျဲနေတဲ့ အသက်ရှုသံတွေ။ အားလုံးရဲ့ အာရုံသက်ဝင်ရာက တစ်ခုတည်း။ ကဗျာ။ ကဗျာဆိုတဲ့နေရာ။ ကဗျာဆိုတဲ့ ကမ္ဘာ။ ကဗျာဆိုတဲ့ ပွဲတော်။ ကဗျာဟာ ကဗျာပီပီ ခန့်ထည်လွန်းသလို ကဗျာဟာ ကဗျာပီပီ စုတ်ပြတ်လွန်းတယ်။
ကြောင်ကုတ်တဲ့ အရေးအသားလည်း ခံစားတတ်ရင်ကဗျာဖြစ်သလို လေးပင်လွန်းတဲ့ဝါကျတည်ဆောက်မှုနဲ့ကဗျာလည်း ခံစားတတ်မှ ကဗျာပီသတယ်။ ကဗျာဟာ ကဗျာရေးသူထက် ကဗျာဖတ်သူအတွက် ပိုကြီးမြတ်တယ်။ တီရှပ်ကိုယ်စီ၊ ဂျင်းပင်ပြာကိုယ်စီ၊ ကျောပိုးအိတ်တစ်အိတ်သို့မဟုတ် လွယ်အိတ် လွယ်ထားသူ လူတစ်စု။ အလွယ်ခေါ်လိုက်ရင် ဂျင်းပင်ပြာနဲ့ ပျာယီးပျာယာအုပ်စု၊ ကျောပိုးအိတ်ကိုယ်စီ လွယ်အိတ်ကိုယ်စီလွယ်လို့ ယုံကြည်မှုအတွက် ရွက်လွှင့်နေကြသူများ။ ဟေ့ ငါ ကဗျာဆရာကွ။ မရှက်မကြောက် ဝန်ခံနေလိုက်ပုံများ။ စီးကရက်တွေ တစ်လိပ်ပြီးတစ်လိပ်တောက်ထုတ်၊ ကဗျာအသရေ ဖျက်သူတိုင်းကို တရားစွဲမယ့် ရှေ့နေကဗျာဆရာ၊ ကဗျာဆရာရှေ့နေများ။ မီးခိုးမြို့တော်ကို တစ်ယောက်ပြီးတစ်ယောက် တည်ဆောက်နေလိုက်ကြတာ လွင့်ခနဲလွင့်ခနဲဝဲသွားတဲ့ သူတို့နှုတ်ခမ်းဖျားက မီးခိုးငွေ့လေးတွေဟာ ရှင်သန်မှုအပိုင်းအစတချို့အတွက် ကဗျာပီပီသသ ပြုံးးပြနေသလိုတောင် ခံစားရ...။

Monday 13 January 2014

အချစ်က ဂလိုဘယ်ဖြစ်ပေမယ့်...

(၁)
“အိုး သူလည်း စနေပဲတဲ့လား”
မပီမသ တီးတိုးရေရွတ်မိရင်း နွေး အံ့သြစွာ ပြုံးမိလိုက်သည်။ ကြည့်ပါဦး ဘယ်လောက်တောင် ဆန်းကြယ်လိုက်တဲ့ ကံတရားလဲ။ သူနှင့် နွေး၏မွေးနေ့၊မွေးရက်ဟာ နှစ်မတူပါပဲ တစ်ထပ်တည်း ကျနေသည် တဲ့လေ။ ကွန်ပျူတာမှာ ချရိုက်လိုက်မိသည့် ရက်စွဲလေးနှစ်ခုကို ကြည့်ရင်း နွေးရင်ထဲံ တစ်စုံတစ်ခုသည် အသံမပေးဘဲ အနီးသို့ရောက်လာဟန်ရှိ၏။ နှစ်သက်သဘောကျစွာပြုံးမိရင်း ကွန်ပျူတာဖန်သားပြင်မှ မွေးနေ့လေးနှစ်ခုကို ဒိုင်ယာရီစာအုပ်ပေါ်သို့ ကူးချလိုက်မိတော့သည်။
Saturday, 28, 1986
Saturday. 28, 1980

Sunday 12 January 2014

မှော်

မျှော်လင့်ချက် ကမ်းပါးတွေ ပြိုမကျအောင် ထိန်းသိမ်းရင်း အနာဂတ်ဆိုတာကိုတွေးကြည့်လိုက်တိုင်း လေနေတဲ့ စိတ်ကြီးက ထထရယ်တယ်။ ကိုယ် တကယ်ပဲ ပျော်ရွှင်ခြင်းကို မေ့လျော့တတ်ခဲ့ပြီထင်ရဲ့..။

Friday 10 January 2014

“မျှော်လင့်ချက်တို့ တောင်ပုံရာပုံ”


“မျှော်လင့်ချက်တို့ တောင်ပုံရာပုံ”
---++++-------------------------
ပြောစရာ စကားများစွာတို့ရှိ၏။ သို့သော် ပြောခွင့်ရနိုင်သော စကားမှာ တစ်ခွန်းသာဖြစ်သည်။
ရင်နှင့်အပြည့် လွမ်းဆွက်နေရသော ခံစားချက်များစွာတို့ကို “သတိရတယ်” ဟူသည့် စကားလေးဖြင့် တန်ဖိုးမလျော့ပါးစေလိုပါ။ ထို့ကြောင့်ပင် အရာရာတွင် တိတ်ဆိတ်သူသည် ကိုယ်ဖြစ်ရတော့သည်။ ကိုယ့်မျက်ဝန်းတွင် ကြည့်တတ်မည်ဆိုလျှင် ဝေ့သီနေသော အပူရောင်အငွေ့များတွေ့ရှိနိုင်သည်။ ကိုယ့်အပြုံးတို့ကို ကြည့်တတ်မည်ဆိုလျှင် အပူရောင်သမ်းနေသော နှုတ်ခမ်းတွန့်ချိုးကို မြင်တွေ့နိုင်မည်။ ကိုယ့်နှလုံးသားကိုကြည့်တတ်မည်ဆိုလျှင်………။
ပြောစရာစကားများစွာရှိ၏။ သို့သော် ပြောခွင့်ရသော စကားမှာ တစ်ခွန်းသာ ဖြစ်သည်။

Wednesday 1 January 2014

“တစ်နေ့နေ့....”



>>>>>>အချိန်
>>>>>>
>>>>>>လူ
တစ်နေ့မှာ
>>>>>>
>>>>>စိတ်
>>>>>>>
?????????????????????????
အရှိသည်ပင် မရှိခြင်းဖြစ်၍
မရှိခြင်းသည်ပင် အရှိဖြစ်သည်။
အဖူးအငုံလေး၏ ကြီးရင့်ခြင်းသည်ပင် ပွင့်အာခြင်းဖြစ်၍ ပန်းပွင့်လေး၏ ကြီးရင့်ခြင်းသည်ပင် မြေသက်ကြွေကျခြင်းဖြစ်သည်။
တစ်နေ့နေ့တွင်
အချိန်(လူ+စိတ်)
အချိန်(စိတ်)

ရည်ဝေ(လင်းရောင်ခြည်)

ဝလုံးလေးဝိုင်းအောင် ရေးမယ်

“ဝလုံးလေး ဝိုင်းအောင်ရေးမယ်”

ဋဍ
ဍဋ
ဋ္ဌ၌
ပုံတူကူးမချခဲ့ပေမယ့်
တစ်နေရာရာမျာများ ပုံတူရှိလေမလား စိတ္တဇတွေနဲ့
ကျွန်တော့်ကိုယ်ကျွန်တော်
ဝ လုံးလေးအဖြစ် အသက်မသွင်းနိုင်ခဲ့တာကြာပြီ။

ငှက်ကလေးတစ်ကောင်အတွက်-၁၄

“ငှက်ကလေးတစ်ကောင်အတွက်-၁၄”

ဒီဇင်ဘာဟာအေးစိမ့်စိုစွတ်၊ အလွမ်းဆိုတာ ဒီဇင်ဘာရဲ့ မွေးချင်းပေါက်ဖေါ်၊ အသဲကွဲခြင်းဆိုတာ ဒီဇင်ဘာရဲ့ ကစားစရာ။အဖြေသိနေတဲ့ မေးခွန်းနောက်ကနေ တောက်လျှောက်လိုက်ရင်း အဖြေကိုဖျောက်ထားတယ်။ သိလား။ ကိုယ့်လက်တွဲဖေါ်ဟာ ငှက်ကလေးဖြစ်လေမလားဆိုတဲ့ မေးခွန်းတွေနဲ့ ကိုယ် တောက်လျှောက် ပျော်နေခဲ့တာပေါ့။ အယောင်ဆောင်ပျော်ရွှင်မှုတွေဟာ အစစ်အမှန် တစ်ခုတွေ့လိုက်တိုင်း နှလုံးသားကို ဖျစ်ညှစ်ထားသလို နာတယ်။ သွေးစိမ်းရှင်ရှင်ထွက်ကျတာမဟုတ်ဘူး။ နှလုံးသားပါ ကြေမွသွားတာ။ကြည့်လေရာနေရာတိုင်းမှာ နှုတ်ခမ်းထူထူနဲ့ ကိုယ့်ငှက်ကလေးများ ရ်ှနေလေမလားရယ်လို့ ရှာရတာအမောပဲ။ ငှက်ကလေးဟာ နေရာစုံမသွားတတ်မှန်းသိသိနဲ့ သွားလေမလား တွေးခဲ့ဖူးတယ်။ နေ့ခင်းက သူငယ်ချင်းတစ်ယောက်ရဲ့ ဝတ္ထုစာသားလေး။ သိပ်ကြိုက်တာပဲ။ချစ်လွန်းလို့ကို ဖွင့်မပြောတော့တာ တဲ့။ ကိုယ်ကကော။ ကိုယ်ကတော့ ချစ်လွန်းလို့ဖွင့်မပြောတာမဟုတ်ဘူး။ ဖွင့်ပြောခွင့်မရှိတဲ့ဘဝမို့ ငြိမ်ငြိမ်သက်သက်ငေးကြည့်နေခဲ့ရရုံ။ငှက်ကလေးဟာ သေနတ်တစ်ချက်မပစ်ဖေါက်ပါဘဲ ကိုယ့်အတွက် ကယ်တင်ရှင်ဖြစ်ခဲ့ဖူးတယ်ဆို သူယုံပါ့မလား။ ဟုတ်တယ်။

နှုတ်ဆက်ပါတယ်...

“နှုတ်ဆက်ပါတယ်”

ပူလောင်ကျိန်းစပ်နေတဲ့ မျက်ဝန်းတွေမှာ အငွေ့တွေနဲ့။ မျက်ရည်ဆိုတာ အငွေ့ပျံတတ်ကြောင်း မျက်မှန်က မှန်သားရဲ့ မှုန်မှိုင်းမှိုင်းကြောင့် အသိတိုးခဲ့ရ။
--++++++++++++++++++++++-----------