ငှက်ကလေးတစ်ကောင်အတွက်(၈)

လှောင်ပါ ငှက်ကလေး။ ကျွန်တော့်ကို လှောင်ပါ။ သစ်ပင်တစ်ပင်ရဲ့ ချစ်ခြင်းကို လှောင်ပါ။ အချစ်ဟာ အလှောင်ခံရဖို့ သက်သက် မွေးဖွါးလာတာမဟုတ်မှန်း ငှက်ကလေး နားလည်တဲ့တစ်နေ့မှာ ကျွန်တော့်ချစ်ခြင်းကို နားလည်လာလိမ့်မယ်။ တကယ်ဆို ချစ်ခွင့်ရနေဖို့ပဲ လိုအပ်ပါတယ်။
ဒီတစ်ခါဟာ ရင်ထဲမှာ အငိုချင်ဆုံးပဲ။ ကဗျာလေးတွေ ရွတ်ပြီး စမ်းချောင်းထဲ ထည့်မျှောပစ်လိုက်တယ်။ ရင်ထဲက အောင့်သက်နေတဲ့ ဝေဒနာက မပျောက်သေးဘူး။ ကုစားနိုင်မယ့်သူ ငှက်ကလေးပဲရှိမယ်မှန်းသိရက် ကိုယ်ဟာ မကုစားနိုင်ခဲ့ဘူး။ တကယ်ဆို ငှက်ကလေးဟာ ဆရာဝန်မှမဟုတ်တာ။ ငှက်ကလေးရဲ့ ကုစားမှုဟာငှက်ကလေး သက်ရောက်ချင်သူအပေါ်မှာပဲ သက်ရောက်နေမှာ။
ငှက်ကလေး……..။
ရင်ကွဲမတက် အော်ပစ်လိုက်တယ်။ ငှက်ကလေး ကြားနိုင်၊ မကြားနိုင် ကျွန်တော်မသိဘူး။ ကျွန်တော့်ရင်အက်သံတွေ နည်းနည်းငြိမ်သွားတယ်။ ငှက်ကလေးရေ လို့ မြည်တမ်းလိုက်တိုင်းမှာ နှလုံးသားဟာ စိတ်ငြိမ်ဆေးအကျွေးခံလိုက်ရတဲ့ လူတစ်ယောက်လို ငြိမ်ငြိမ်သက်သက်၊ ငြိမ့်ငြိမ့်ညောင်းညောင်းနဲ့ အရာအားလုံးရှင်းလင်းသွားတယ်။ ငှက်ကလေး မသိနိုင်ဘူး။ သူသိနေတာ သူ့ငှက်ကလေးအကြောင်းပဲ ဖြစ်မယ်။

(-)
ငှက်ကလေးက ကျွန်တော့်အတွက် အရာရာဖန်ဆင်းပေးတဲ့ နတ်တစ်ပါး။ ကျွန်တော့်အိပ်မက်တွေဟာ သူ့ကြောင့် ပိုပြီးခံစားချက်တွေ စုံလာခဲ့ရတာ။ ငှက်ကလေးက ကျွန်တော့်နှလုံးသားရဲ့ သခင်။ စစ်တစ်ချက်မတိုက်ပါပဲ သူသိမ်းယူသွားတာ နှလုံးသားတစ်ခုလုံး သူ့နေရာချည်းပဲ။ ငှက်ကလေးက ကျွန်တော့်အတွက် စိတ်ရာသီတွေဖန်ဆင်းပေးတဲ့သူ။ သူငိုစေချင် ငိုရပြီး သူရယ်စေချင် ရယ်ရတဲ့ ဘဝ။ တကယ်ဆို ငှက်ကလေးနဲ့ မတွေ့ခင် ကျွန်တော့်ဘဝက ဒီလောက်ထိ ခံစားချက်တွေ မစုံခဲ့ဘူး။
အဖြူရောင်စက္ကူထူတစ်ချပ်လို့ တင်စားမိချင်သည်ထိ ဖြူစင်ခဲ့တယ်။ အနာတရကင်းခဲ့တယ်။တော်ရုံနဲ့လည်း အနာတရမရနိုင်တဲ့ ထူလွန်းတဲ့ စက္ကူဖြူတစ်ချပ်ပေါ့။
ငှက်ကလေးနဲ့ တွေ့ပြီးတဲ့အခါမှာတော့ ကျွန်တော်ဟာ ပါးလွှာလွန်းတဲ့ စက္ကူဖြူတစ်လွှာဖြစ်ခဲ့ရပြီ။ ခဏနေ ဒဏ်၇ာရလိုက်၊ ခဏနေ အရောင်စွန်းလိုက်နဲ့ ကျွန်တော့်စိတ်ဟာ ခဏအတွင်းမှာပဲ ရာသီအမျိုးမျိုးပြောင်းတတ်ခဲ့ပြီ။ ဒါ ငှက်ကလေး သင်ကြားပေးနေတဲ့ ဘာသာဗေဒ။ ခေါင်းစဉ်က အချစ်တဲ့လေ။
အချစ်ဆိုတဲ့ ဘာသာရပ်က ခါးသက်သက်နဲ့ ချိုမြလွန်းတယ်။ ရင်နာနာနဲ့ပဲ ကျွန်တော် ငှက်ကလေးကို ချစ်နေမိတာကို မဖျောက်ပစ်လိုက်နိုင်ဘူး။ ငှက်ကလေး ရေ ကိုယ့်အချစ်က အပူဒဏ်မဟုတ်ပါဘူးလို့လည်း ယောင်ယောင်ကန်းကန်း အော်လိုက်မိသေးရဲ့။
ငှက်ကလေး မင်းကြားလိုက်ရဲ့လား….။
(-)
တိမ်တွေ ဆိုင်းနေပြီ။ လွမ်းတယ်။ လွမ်းတယ်။ လွမ်းလွန်းတယ်။
အသိမဲ့တဲ့ အလွမ်းတွေက ရင်ထဲကို တိုးတိုးဝင်လာခဲ့တယ်။ တားမြစ်ဖို့ အသိစိတ် ပျောက်ဆုံးနေတယ်။ တကယ်ဆို ကိုယ်ဟာ လွမ်းခွင့်ရှိသူမဟုတ်ပါပဲ တိတ်တိတ်လေး လွမ်းနေမိခဲ့တယ်။
ငှက်ကလေးရေ သစ်ပင်တစ်ပင်ဟာ ရှင်သန်နေပါ့လား ဆိုတဲ့ အသိစိတ်ကို မေ့ဖို့ထိတောင် မင်းကို ချစ်နေမိခဲ့တယ်။
ဟိုးအဝေးက တိမ်တွေထဲမှာငှက်ကလေးအရိပ်များ ပါမလားလို့ ကယောင်ကတမ်းလိုက်ရှာမိတယ်။ မပါဘူး။ သူမရှိဘူး။ သူဘယ်ရောက်နေလဲ။ သူဘယ်မှာများလဲ။ သူဘာတွေလုပ်နေလဲ။ အသိမဲ့ အတွေးတွေဟာ ကျွန်တော့်နှလုံးသားကို နှိပ်စက်နေကြပြီ။ ကျွန်တော်ချစ်တဲ့ ငှက်ကလေး အရာရာ အဆင်ပြေပါစေ။ ကျွန်တော့်ရဲ့ ငှက်ကလေး ပျော်ရွှင်ပါစေ။ ကျွန်တော်ချစ်တဲ့ ငှက်ကလေး သူ့ချစ်သူနဲ့ ပျော်နိုင်ပါစေ။
ဆုတောင်းတွေဟာ ကောင်းကင်ထိ လွင့်ပျံသွားပါစေ။ ကျွန်တော် မနားတမ်းဆုတောင်းနေမိတယ်။
ငှက်ကလေး ပျော်ရွှင်ပါစေ.......။
(-)
မယုံရုံနဲ့တော့ ပုံပြင်မမှတ်လိုက်ကြပါနဲ့။ သစ်ပင်လေးတစ်ပင်ဟာ ငှက်ကလေးတစ်ကောင်ကို အကြီးကြီးချစ်ခဲ့ဖူးတယ်။ အကြီးကြီးချစ်နေဆဲပဲ။
ကျွန်တော်ရေးထားတဲ့ စာသားတွေကို ကောင်းကင်က ငှက်ကလေး မြင်ပါ့မလား။ မြင်တော့ကော ကျွန်တော်နဲ့ သူ့ကြားက ကြိုးဟာ ပိုခိုင်မာသွားမလား။ ဒါမှမဟုတ် ပြတ်တောက်သွားမလား။ ကြောက်တယ်။ ကျွန်တော်တကယ်ကြောက်တယ်။ ငှက်ကလေး စိတ်ညစ်မှာကို ကြောက်တယ်။ငှက်ကလေး မုန်းသွားမှာကို ကြောက်တယ်။ ငှက်ကလေးကို ချစ်ခွင့်မရတော့မှာကို အကြောက်ဆုံးပဲ။
ငှက်ကလေး သစ်ပင်ရူးတစ်ပင်ကိုတွေ့ရင် မျက်နှာလွှဲသွားလိုက်။ သူ့မှာ မင်းကို ချစ်တဲ့အချစ်တွေကို ရင်အပြည့်ပွေ့ထားတယ်ဆိုတဲ့အတွေးကို မတွေးမိအောင် မျက်နှာလွှဲပေးပါ။
သူ တကယ်မင်းကို ချစ်နေခဲ့တာပါ။
ငှက်ကလေးရေ ဟိုးအဝေးမှာ မင်းမျှော်နေတဲ့ ငှက်ကလေးလာနေပြီ။ ကိုယ်အသံတွေကြားနေရတယ်။ သွားကြိုလိုက်ဦး။
ဒီစကားလေးနဲ့ သတိပေးမိပေမဲ့ ကျွန်တော့်ရင်တွေ နာလိုက်တာ။ ကျွန်တော် ချစ်တဲ့ ငှက်ကလေးမှာ ငှက်ကလေးတစ်ကောင်ရှိနေတယ် ဆိုတဲ့ အမှန်တရား။ ဒီအမှန်တရားက ကျွန်တော့်ရင်ကို နုံးနုံးခွေခွေ ဖြစ်စေတယ်။
ငှက်ကလေး ကိုယ်မင်းကို လိုအပ်နေတယ်။ ဒီစကားတစ်ခွန်းပြောဖို့ ကျွန်တော့် နှုတ်တွေဆွံ့အနေတယ်။ တကယ်ဆို သစ်ပင်တစ်ပင်ရဲ့ဘဝ။ ငှက်ကလေးကြားအောင်ပြောနေပေမယ့်လည်း ငှက်ကလေးမကြားနိုင်တဲ့ဘဝ။ ဒို့နှစ်ဦးကြားမှာ ဘာသာစကားတွေ ခြားနားနေခဲ့တယ်။ ဒါပေမယ့်လည်း မင်းသင်ပေးတဲ့ အချစ်ဆိုတဲ့ ဘာသာဗေဒမှာ ကိုယ်ဟာ အလွမ်းကို ဂုဏ်ထူးတန်းထိ ရောက်ခဲ့ပါတယ်။
(-)
ငှက်ကလေးဟာ ကျွန်တော့်အတွက် ငှက်ကလေးတစ်ကောင်ထက် ပိုမိုနေရာယူလာခဲ့ပြီ။ ဒါကို ငှက်ကလေး သိနိုင်ပါ့မလား။ တစ်နေ့တာစွန့်စားခန်းတွေကို ငှက်ကလေးကို တိုင်တည်ရင်ဖွင့်လိုက်ရမှ ကျွန်တော့်စိတ်တွေ နေပျော်တယ်။
ငှက်ကလေးဟာ ကျွန်တော့်ရဲ့ ဘဝလက်တွဲဖေါ်မဟုတ်နိုင်တော့ပေမယ့် ကျွန်တော့်ရဲ့ စိတ်ရှင်းစက်။ ကျွန်တော့်ရဲ့ ရှုပ်နေသမျှစိတ်တွေဟာ ငှက်ကလေးကို တိုင်တည်လိုက်ရုံနဲ့ အရာရာရှင်းလင်းသွားတယ်။
ငှက်ကလေး စိတ်ညစ်နေတဲ့အချိန် ကျွန်တော့်ကောင်းကင်မှာ တိမ်ညိုတွေဆိုင်းပြီး အသိပေးတယ်။ တကယ်ဆို သူနဲ့ ကျွန်တော်ဟာ သက်ဆိုင်မှုမရှိပါပဲ သူ့စိတ်ရဲ့ ရာသီကို ကျွန်တော် ဖတ်ခဲ့မိလိုက်တယ်။ ငှက်ကလေး ခု ပျော်နေမယ်ထင်ပါတယ်...။
ငှက်ကလေးရေ ကျွန်တော် ငိုချင်လိုက်တာဗျာ.........။
ကျွန်တော့်တိုင်တည်သံကို သူကြားပါ့မလား။ ကျွန်တော်မသိပေမဲ့ အထပ်ထပ်အခါခါ တိုင်တည်နေမိတယ်။ ဟုတ်တယ်။ ကျွန်တော် ငိုချင်နေတယ်။ အပြင်းပြဆုံးငိုချင်နေတယ်။
ဒီနေ့ဟာ ငှက်ကလေးကို အချစ်အကြောင်း တိုင်တည်ရုံသက်သက်မဟုတ်ဘူး။ ကျွန်တော့် ရင်ကို ဖွင့်ပြတဲ့နေ့။ ရင်ဖွင့်လိုက်တဲ့နေ့။
ငှက်ကလေး ကျေးဇူးပြု၍ ကျွန်တော့်ကို လွမ်းပါ။ အလွမ်းချင်းညီလာတဲ့အခါ ကျွန်တော့်စိတ်တွေ ပျော်ရွှင်လာနိုင်တယ်။ ခုတော့ ကျွန်တော်ဟာ တစ်ခြမ်းပဲ့ စွယ်တော်ရွက်လို ဖြစ်နြေ့ပီ။
ထပ်မှာလိုက်ပါရစေ..။ ကျေးဇူးပြု၍ ကျွန်တော့်ကို လွမ်းပါ။
(-)
ဧဒင်ကြီးက သဘောဆိုးလွန်းတယ်။ ကျွန်တော့်အတွက်ဆို ဒီပန်းသီးဟာ ဘယ်တော့မှ စားသုံးသူ မရှိခဲ့ဘူး။ ကျွန်တော်လိုအပ်တဲ့ စားသုံးသူ မရှိခဲ့ဘူး။ ဒီနေ့ အာဒံကိုကော၊ ဧဝကိုကော မုန်းတယ်။ ဧဒင်ကြီးကိုလည်း မုန်းတယ်။
..........အားလုံးကို မုန်းတယ်...........။
ဒီကမ္ဘာ မှာ သစ်ပင် အလိုအပ်ဆုံးအရာဟာ တစ်ခုတည်း။ ငှက်ကလေးရဲ့ ရင်ငွေ့နွေးနွေးလေး။

ငှက်ကလေးက ဒီချိန်ဆို နွေဦးရာသီမှာ ငှက်ကလေးတစ်ကောင်နဲ့ ပျော်နေလောက်ပြီ။ ကျွန်တော်သာ အအေးလွန်ဆောင်း၇ာသီမှာ ကျန်နေရစ်ခဲ့တာ။ ဒီရာသီကနေ ကျွန်တော့်ကို ဆွဲထုတ်နိုင်ဖို့ ငှက်ကလေးရဲ့ လက်တစ်ဖက်ပဲ လိုအပ်တယ်။ငှက်ကလေးရဲ့ အတောင်ပံတစ်ဖက်ပဲ လိုအပ်တယ်။ငှက်ကလေး မသိတဲ့ သစ်ပင်ရဲ့ ကမ္ဘာဟာ ထာဝစဉ် အေးစ်ိမ့်၊ လေငွေ့အေးအေးတွေနဲ့ ရေခဲရုပ်ကြွင်းဖြစ်ဖို့ အချိန်နီးနေပြီ။ သစ်ပင်မှာနွေးထွေးမှုလက်ကျန်ဆိုလို့ နှလုံးသားလေးတစ်ခုသာရှိတော့တယ်။ ငှက်ကလေးရဲ့ ရင်ငွေ့နွေးနွးလေးရမှသာ နွေးထွေးမှုလက်ကျန် နှလုံးသားလေးကနေ သစ်ပင်ရဲ့ သက်တမ်းကို ပိုရှည်စေနိုင်လိမ့်မယ်။
ခုတော့ သိပ်မကြာခင် ကျွန်တော် နှုတ်ဆက်ရတော့မယ်။ ဂွတ်ဘိုင်..လို့။
ကျွန်တော့် နှလုံးသားဟာ အေးစိမ့်မှုရဲ့ ရိုက်ခက်မှုကို ခံစားနေရပြီ။ သူဘယ်အချိန်မှာ ရေခဲရုပ်ကြွင်းဖြစ်သွားမလဲ။ ငှက်ကလေး ကယ်မှအသက်ရှင်မဲ့အဖြစ်။
ငှက်ကလေး မသိရှာသေးဘူး။ ဒါမှမဟုတ် သိနေပြီ။ ဒါပေမယ့် သူဟာ ဆရာဝန်မဟုတ်ဘူး။ သူ ကယ်တင်ချင်သူကိုပဲ ကယ်တင်နိုင်လိမ့်မယ်။

ငှက်ကလေးရေအရာအားလုံးအတွက် ဂွတ်ဘိုင်.။
ရည်ဝေ