စိတ်တွေ မွန်းကျပ်နေတယ်

စိတ်တွေမွန်းကျပ်နေတယ်။ ထွက်ပေါက်မရှိဘူး။ ထွက်ပေါက်က ဘယ်နေရာမှာလည်း ကျွန်တော်မသိဘူး။ ထွက်စရာ တံခါးပေါက်မရှိတာလား။ မထွက်ချင်တဲ့ တံခါးပေါက်တွေ ပြည့်နေတာလား။ ဘာပဲဖြစ်ဖြစ် ကျွန်တော် စိတ်မွန်းကျပ်နေတယ်။
သောက်လိုက်မိတဲ့ အယ်လ်ပိုင်းရေသန့်ရဲ့အရသာဟာ တကယ်ကို နှစ်ခြိုက်ဖို့ကောင်းလွန်းလှတယ်။ ရေသားသန့်သလို ရေအရသာကလည်း ချိုတယ်။ တကယ်ဆို ဒီအယ်လ်ပိုင်းရေသန့်အတိုင်းပဲ သူ့တစ်ယောက်တည်းကို ကျွန်တော်ဟာ လေးစားမြတ်နိုးခဲ့မိတာ။ ရေသန့်နာမည်တွေ ဘယ်လောက်များများ ကျွန်တော် သောက်တာဟာ အယ်လ်ပိုင်းရေသန့်တမျိုးတည်းရှိတယ်။ ဘာအကြောင်းနဲ့ပဲ သောက်သောက် လုံးဝ အယ်လ်ပိုင်းမရနိုင်တဲ့ နေရာကျမှ တခြားတံဆိပ်ပြောင်းသောက်တယ်။ သူ ကကျွန်တော့်လေးစားမြတ်နိုးမှုကို မယုံခဲ့ဘူး။ ကျွန်တော်လိုကောင်ရဲ့လေးစားမြတ်နိုးမှုကို မခံယူချင်ခဲ့ဘူး။

သွားခဲ့ဖူးတဲ့ လမ်းတွေများတယ်။ တခါတလေကျတော့လည်း ကိုယ်ရည်ရွယ်ရာကိုရောက်ဖို့ လမ်းမှားကို လျှောက်ဖို့မလိုပါပဲနဲ့ လျှောက်ခဲ့မိဖူးတယ်။ ဒီလိုပါပဲလေ။ သူ့ဆီရောက်ဖို့ ကျွန်တော်ဟာ တခြားသော “သူ” များစွာကို ဖြတ်သန်းခဲ့ဖူးတယ်။ ဒါပေမယ့် အစစ်အမှန်ဆိုတဲ့ ယုံကြည်မှုဟာ သူနဲ့ကျမှ ခိုင်မာတတ်လာခဲ့တယ်။
ထားပါလေ။ တံဆိပ်ကပ်တယ်ဆိုတာ လက်ခံရယူသူရဲ့ အပိုင်းပါ။ ကျွန်တော့်ရဲ့ အပိုင်းကတော့ တစ်နေ့နေ့မှာ သူ နားလည်လာဖို့ပဲ။ ဘာပဲဖြစ်ဖြစ် ကျွန်တော် စိတ်တွေ မွန်းကျပ်နေတယ်။
ထွက်ပေါက်တစ်ပေါက်လောက် လိုချင်တယ်။ ထွက်ပေါက်ရဲ့ အဓိပ္ပါယ်ကို သေချာဆန်းစစ်ကြည့်ရင် ထွက်စရာ တံခါးပေါက်လို့ပဲ ပေါ်လိမ့်မယ်။ ခု ကျွန်တော့်မှာ ထွက်စရာတံခါးပေါက် ပျောက်နေတယ်။ ကျွန်တော့်မိတ်ဆွေ၊ သူငယ်ချင်းတချို့ ကျွန်တော်နဲ့ ဝေးကွာသွားကြတယ်။ ကျွန်တော့်ရဲ့ သူဟာ စကားပြောလိုက်မိတိုင်း ဟန်ဆောင်နေသလို ခံစားရတယ်။ ကျွန်တော့် ဘဝဟာ ခုချိန်မှာ အမှားဆုံးလား။ ဒါမှမဟုတ် လမ်းမှန်ပေါ်ရောက်ဖို့ လမ်းဆုံတစ်ခုလား။ တွေဝေခြင်းများစွာနဲ့ ကျွန်တော် ထွက်ပေါက်ပျောက်နေပါတယ်။ လမ်းပျောက်နေပါတယ်။
ကျွန်တော့် စိတ်တွေ မွန်းကျပ်နေပါတယ်။
(၁)
ဖွင့်ထားတဲ့တံခါးလေးတစ်ချပ်တွေ့တယ်။ အဲ့ဒီ့တံခါးကနေ မြင်နေရတဲ့ မြင်ကွင်းတွေဟာ ကြည်လင်ရှင်းသန့်လွန်းတယ်။ ဒါပေမယ့်လည်း ကျွန်တော့်စိတ်တွေ ကြည်လင်လာအောင် မစွမ်းဆောင်နိုင်ဘူး။
အတိတ်တွေ ကိုယ်စီမှာ အမှားကိုယ်စီရှိမယ်လို့ ကျွန်တော် ယုံတယ်။ အမှားတိုင်းဟာလည်းပြင်ဆင်လို့ မရဘူးဆိုတောင်မှ နောက်မမှားအောင် တားမြစ်ခွင့်ရှိတယ်လို့ ကျွန်တော် သတ်မှတ်ထားခဲ့မိတယ်။ ဒါပေမယ့်ခုတော့ ကျွန်တော် အတိတ်တစ်ခုအတွက် လမ်းပျောက်နေခဲ့တယ်။ မမှားအောင် တားနေပေမယ့်လည်း ပြုပြင်မရတဲ့ အမှားတစ်ခုဟာ ကျွန်တော့်ဘဝမှာ အရိပ်မည်းတစ်ခု။
အရိပ်ဟာ ညအမှောင်ကျရင် ပျောက်ပြီလို့ ထင်မြင်ယူဆကြည့်တယ်။ မဟုတ်ဘူး။ သူဟာ သူ့ထက် အင်အားကြီးတဲ့ အမှောင်ထုထဲမှာ ပုန်းနေတာ။ ဟုတ်တယ်။ သူပုန်းနေတာ။ အလင်းကျပြီဆိုတာနဲ့ အပြင်မထွက်လိုက်နဲ့။ ထွက်တာနဲ့ သူဟာ ကိုယ်ထင်ပြတော့တာပဲ။  အရိပ်ဟာ ဘာ့ကြောင့် အမည်းရောင်ပဲရှိနေတတ်တာလဲ။ ကောင်းတဲ့ ကိစ္စဆိုရင်တော့ ခုနှစ်ရက်ပြည့်အောင် အချီးမွမ်းမခံရဘူး။ မကောင်းတဲ့ ကိစ္စဆိုရင်တော့ အမာရွတ်မြင်တိုင်း မဟော်သဓါကိုသတိရတဲ့ ကေဝဋ်ပုဏ္ဏားလိုပဲ။ အချိန်မရွေးသတိရနေတတ်ကြတယ်။ ကျွန်တော့်ရဲ့ သူဟာလည်း ဝင်းမှည့်ချင်ယောင်ဆောင်နေတဲ့ သစ်သီးတစ်လုံးပါပဲ။
ခု ကျွန်တော်အလင်းထုထဲမှာ ချောင်ပိတ်ရိုက်ခံနေရတယ်။ သူ့ဟာသူ ရောက်လာတဲ့ အမှောင်ထုထက် အလင်းထုထဲမှာ ထွက်ပေါက်ပျောက်နေတာ ဆိုးတယ်။ ဖွင့်ထားတဲ့ တံခါးချပ်ဟာ ကျွန်တော့်အတွက် ထွက်ပေါက်မဟုတ်တာ ဆိုးတယ်။ ကြည်လင်နေတဲ့ ရှုခင်းတွေဟာ ကျွန်တော့်စိတ်ကို လှောင်နေသလိုလို။
ခု ကျွန်တော့်စိတ်တွေ မွန်းကျပ်နေပါတယ်။
(၂)
ဖွင့်ထားတဲ့တံခါးချပ်ကနေ ဖြတ်လာတဲ့ အလင်းဟာ သူနဲ့ ကျွန်တော့်ကြားက ရေသန့်ဘူးကို တိုးဖြတ်လာတယ်။ အလင်းတွေ မှိန်သွားတာလား။ ကွဲထွက်သွားတာလား။ ဘာပဲဖြစ်ဖြစ် အလင်းတန်းဟာ နဂိုကလို မဟုတ်တော့ဘူး။ သူ အရောင်ပြောင်းသွားပြီ။ သူ တစုတစည်းတည်းမရှိတော့ဘူး။
အမှားတွေကို ဖြတ်သန်းပြီးတဲ့ ဘဝတစ်ခုဟာ ရိုးသားမှုကို သယ်ဆောင်ခွင့်မရှိတော့ဘူးလား။ ထင်မှတ်မထားပဲ ကွယ်ဝှက်မိခဲ့တာပါလို့ ဘယ်လိုပြောပြော ယုံမယ့်သူ မရှိတော့ဘူး။ ဖြူစင်မှုဟာ အစိတ်စိတ်အမွှာမွှာ ကွဲထွက်သွားပြီထင်တယ်။
ခု ကျွန်တော့်သိက္ခာကို ကျွန်တော် ကျိန်ဆိုပြဝံ့ရင်တောင် မဟာပထဝီမြေကြီးကလွဲလို့ ယုံမယ့်သူမရှိတော့ဘူး။ ဘာပဲဖြစ်ဖြစ် ကျွန်တော် သူ့အပေါ်အတတ်နိုင်ဆုံး ရိုးသားပေးခဲ့တယ်။ နောက် ကျွန်တော်နဲ့ ပတ်သတ်တဲ့ သူတွေအားလုံးအပေါ် အတတ်နိုင်ဆုံး ရိုးသားခဲ့တယ်။
တစ်စီးပြီးတစ်စီး ဖြတ်သွားတဲ့ ကားတွေကို လမ်းမကြီးဟာ မငြိုမငြင်နဲ့ မော့ကြည့်နေတယ်။ ဒါမှမဟုတ် ငြိုငြင်နေသလား။ ကျွန်တော့် စိတ်ထင်တော့ သူ ငြိုငြင်မယ်မထင်ပါဘူး။ ကိုယ့်တာဝန်ကိုယ် ထမ်းဆောင်နေတယ်လို့ပဲ သူမှတ်ယူမယ်ထင်မိတယ်။
ကျွန်တော်လည်း ကျွန်တော့်တာဝန်နဲ့ ကျွန်တော် ကွယ်ဝှက်ခဲ့ရတာပါ။ ကွယ်ဝှက်မှုမှာ တာဝန်အရဆိုတာကို ယုံကြည်ပေးမယ့်သူ မရှိကြဘူး။ ကမ္ဘာကြီးပြားတယ်လို့ ပြောဖို့ ဘယ်သူမှာမှ တာဝန်မရှိပါဘူး။ ဟုတ်တယ်။ ဘယ်သူ့မှာမှ တာဝန်မရှိပါဘူး။ ဒါပေမယ့် ကျွန်တာ့်မှာ တစ်စုံတစ်ရာကို တာဝန်ယူဖို့ တာဝန်ရှိခဲ့တယ်။ ဘဝသမိုင်းပေးတာဝန်လို့ ဆိုရင် ပိုမှန်မယ် ထင်ပါရဲ့။ ဘဝရဲ့ အမည်းစက်တစ်ခုကို ကျွန်တော်တာဝန်သိစွာနဲ့ ထမ်းဆောင်ခဲ့ပါတယ်။
ကျွန်တော်ထင်ပါတယ်။ လူတိုင်းလူတိုင်းမှာ ဘဝပေးတာဝန်တွေ ရှိကြသလို ရှောင်လွဲခွင့်ဟာလည်း ရှိကြပါလိမ့်မယ်။ ဘာပဲဖြစ်ဖြစ် သမိုင်းပေးတာဝန်ကို ကျွန်တော် ရင်ဆိုင်ခဲ့တယ်။ ထမ်းဆောင်ခဲ့ပါတယ်။

“သူခိုး တွေနဲ့ စကားပြောရတာကို ငါ ရွံတယ်” တဲ့လေ။ ကျွန်တော့်ရဲ့ သူ ပြောတဲ့စကားကို ပြန်ကြားရတာဟာ ရင်ခွဲဓါးပါပဲ။ သူ၊ ကျွန်တော် လမ်းလေးတစ်ခုမှာ ဆုံခဲ့တယ်။ သူစိမ်းတွေလိုပါပဲ။ ကျွန်တော့်ဘက်က စပြီး မခေါ်ရက်သလို သူကလည်း မခေါ်ချင်ခဲ့ဘူး။ ဒီလိုနဲ့ မျက်လုံးချင်း ခလုတ်တိုက်၊ လူချင်း လမ်းတစ်ဖက်တစ်ချက်စီကနေ တိုက်ဆိုင်သွား၊ ကိုယ့်လမ်းကိုယ် လျှောက်ခဲ့ကြရတယ်။
အဲ့ဒီ့နေ့က ကျွန်တော် ငိုမိတယ်။
အဲ့ဒီ့နေ့က ကျွန်တော့်စိတ်တွေ အမွန်းကျပ်ဆုံးပဲ။ ထွက်ပေါက်ကို အရေးတကြီးလိုက်ရှာနေခဲ့တယ်။ အဲ့ဒီ့နေ့က ကျွန်တော့်ရဲ့ အမည်းစက်ကို ကျွန်တော် ပြန်ဖျက်ကြည့်ခဲ့တယ်။ မရခဲ့ဘူး။
အဲ့ဒီ့နေ့မှာ ကျွန်တော့်ရဲ့ စိတ်မွန်းကျပ်မှုပြ လက်တံဟာ အမြင့်ဆုံးကို ရောက်ရှိနေခဲ့တယ်။
(၃)
သူနဲ့ ကျွန်တော် ပြောခဲ့ဖူးတဲ့ စကားသံတချို့က လေထဲ လွင့်ပျံလာတတ်တယ်။ နွေဦးရဲ့ အဓိပ္ပါယ်ကို ကျွန်တော်မသိဘူး။ သူ့အပြုံးက နွေဦးနဲ့ တူလောက်လား။ ဒါမှမဟုတ် နွေဦးဟာ သူ့အပြုံးလောက် လှနိုင်ပါ့မလား။ သေချာတာကတော့ သူ့သိက္ခာရနံ့ဟာ ပိတောက်ဝါတွေလိုပဲ သင်းပျံ့နိုင်လွန်းတယ်။
ကျွန်တော် လျှောက်ခဲ့တဲ့ လမ်းတချို့က မှေးမှိန်နေခဲ့တယ်။ မှားခဲ့တဲ့ အမှားတချို့ကတော့ လမ်းလယ်ခေါင်မှာ ထင်းထင်းကြီးပေါ်လွင်လို့။ တူးဆွချင်သူတွေက များပြားလွန်းသလို ကျွန်တော်ကိုယ်တိုင်လည်း ဖုံးကွယ်ဖို့ မတတ်နိုင်တော့။ ဖုံးကွယ်လိုစိတ်လည်း မရှိတော့။ ဒီလိုနဲ့ပဲ သူ့ရှေ့မှာ ကျွန်တော်ဟာလူလိမ်အဖြစ်(ခိုးမှုကျူးလွန်ခဲ့ဖူးကြောင်း၊ ငယ်စဉ်ဘဝကို ထိန်ချန်တဲ့ ပြစ်မှုဟာ) ထင်းထင်းကြီး ပေါ်ပေါက်လာခဲ့တယ်။
ခပ်လှောင်လှောင်ရယ်တတ်တဲ့မိတ်ဆွေတချို့ကို ကျွန်တော် ခွါပြဲခဲ့တယ်။ တချို့က ကျွန်တော့်ကို ရှောင်သလို တချို့ကိုတော့ ကျွန်တော်က ရှောင်ပစ်တာ။ ကျွန်တော့်ရဲ့သူကတော့ လက်ရှိ ကျွန်တော့်ကို  ယုံကြည်နိုင်မယ် ထင်ခဲ့မိတာ။ တကယ်တော့လည်း သူဟာ ဟန်ဆောင်နေတဲ့ ကဝေပျိုပါပဲ။
 စိတ်တွေမွန်းကျပ်နေတယ်။ ထွက်ပေါက်မရှိဘူး။ ထွက်ပေါက်က ဘယ်နေရာမှာလည်း ကျွန်တော်မသိဘူး။ ထွက်စရာ တံခါးပေါက်မရှိတာလား။ မထွက်ချင်တဲ့ တံခါးပေါက်တွေ ပြည့်နေတာလား။ ဘာပဲဖြစ်ဖြစ် ကျွန်တော် စိတ်မွန်းကျပ်နေတယ်။
ခု ကျွန်တော့်မှာ သူပေးသွားတဲ့ နာကျင်မှုတွေ ရှိတယ်။ ကျွန်တော့် ခံစားချက်ကို လွှတ်မပေးမိအောင် ထိန်းချုပ်ထားတဲ့ မိသားစုရှိတယ်။ နောက် ကျွန်တော့်နောက်ကို တစ်သက်လုံးလိုက်မယ့် အမည်းရောင် အရိပ်တစ်ခုရှိပါတယ်။
ကလေးတစ်ယောက် သူ့မိသားစုအတွက် ခိုးဝှက်ခဲ့ဖူးတယ်။ ကလေးတစ်ယောက် အလစ်သုတ်ခဲ့ဖူးတယ်။ စာရိတ္တမကောင်းတာလား၊ ဘဝပေးတာဝန်လား ဆိုတာကို ဆန်းစစ်ဖို့တော့ ဘယ်သူမှ မဆန်းစစ်ကြဘူး။ အဲ့ဒီ့ကလေး၊ ခုကျွန်တော် သန့်သန့်ရှင်းရှင်းသမ္မာအာဇီဝနဲ့ အလုပ်လုပ်တယ်။ ခွေးမြီးကောက် ကျည်တောက်စွပ် မှာပဲ ဆိုတဲ့ စကားတွေကို နားလျှံနေအောင်ကြားပြလိုက်ရတယ်။
ခု ကျွန်တော် အမည်းရောင်အရိပ်ကို အလိုမတူလည်း သယ်ဆောင်သွားရမယ်။ အလိုတူလည်း သယ်ဆောင်သွားရတော့မယ်။ လမ်းမကြီးရေ ကျွန်တော့်ကို ကိုယ်ချင်းစာပါ။ ခင်ဗျားကို မညှာမတာ နင်းဖြတ်သွားတဲ့ ကားတွေကို စိတ်မနာဘူးမဟုတ်လား။ လမ်းမကြီးရေ ဖြေပါဦး။ ကျွန်တော့် ဘဝဟာ ခုချိန်မှာ အမှားဆုံးလား။ ဒါမှမဟုတ် လမ်းမှန်ပေါ်ရောက်ဖို့ လမ်းဆုံတစ်ခုလား။ တွေဝေခြင်းများစွာနဲ့ ကျွန်တော် ထွက်ပေါက်ပျောက်နေပါတယ်။ လမ်းပျောက်နေပါတယ်။
လမ်းမှားပေါ်ရောက်ပြီးလည်း လမ်းမှန်ပေါ်လျှောက်နေဆဲ လူကောင်းတစ်ယောက်မဖြစ်နိုင်တော့တာတော့ သေချာတယ်။ ခုကျွန်တော် ထွက်ပေါက်တစ်ခုလိုအပ်တယ်။ ထွက်ပေါက်တစ်ခု လိုအပ်နေပါတယ်။
ကျွန်တော့်စိတ်တွေ မွန်းကျပ်နေပါတယ်။

ရည်ဝေ