(၁)
ငှက်ကလေးနဲ့ တွေ့ဆုံခွင့်ရခဲ့တဲ့ ကံကို ကိုယ်ကျေးဇူးတင်တယ်။ ဒီလိုပြောတော့ ငှက်ကလေး ရယ်လေမလား။ မရယ်နဲ့ ငှက်ကလေးရယ်။ တကယ်ပြောတာ။ ငှက်ကလေးနဲ့ တွေ့ဆုံပြီးမှ ကိုယ့်ဘဝဟာ အဓိပ္ပါယ်ပြည့်စုံခဲ့တာ။ ငှက်ကလေးကို ငေးကြည့်နေရတဲ့ ဘဝကို ခံစားတတ်ခဲ့တာ။
ဒါအချစ်ပေါ့။ ဒါအလွမ်းပေါ့။ ဒါကြေကွဲမှုပေါ့။ ဒါ ဝမ်းနည်းအားငယ်မှုပေါ့။ ဒါ....။ ငှက်ကလေးနဲ့ တွေ့မှ ခံစားချက်တွေကို အရောင်စုံစုံ မြင်တတ်ဖူးခဲ့တာ။ ငှက်ကလေးရေ အချစ်က အချစ်ကို တဆင့်မြှင့်တဲ့ အခါ အလွမ်းတွေပျောက်သွားသတဲ့။ သဝန်တိုမှုတွေပျောက်သွားသတဲ့။ ကိုယ်အဲ့ဒီလိုထင်ဖူးတယ်။ ဒါပေမယ့် မဟုတ်ဖူးကွယ်။ ချစ်လွန်းတဲ့အခါ လွမ်းနေပါ့လားဆိုတာတောင် မသိလောက်အောင် ကို အလွမ်းက ပါးလျသွားတာ။ချစ်လွန်းတဲ့အခါ သဝန်တိုဖို့ထက် မျက်စိမှိတ်ယုံကြည်ပစ်လိုက်ချင်စိတ်တွေ ပေါက်သွားတာ။
ငှက်ကလေးရေ အချစ်ဆိုတာကို ခံစားစေခဲ့လို့ ကျေးဇူးကွယ်။
(၂)
ငှက်ကလေးက ငှက်ကလေးတစ်ကောင်ကို ငေးကြည့်နေတယ်လို့ သိရတဲ့အခါကိုယ်မရည်ရွယ်ပါပဲ ငိုမိတယ်။ ငှက်ကလေးရေ မပိုင်ဆိုင်နိုင်မှန်းသိပါလျှက် တားမြစ်မရတဲ့ နှလုံးသားကို ဓါးနဲ့ခြမ်းပစ်လိုက်ရမလား။ ဒါဆိုရင် ငှက်ကလေးကို ချစ်မိတဲ့ အချစ်တွေ ပျောက်သွားလေမလား။ ဘာပဲဖြစ်ဖြစ် ငှက်ကလေးရေ အချစ်တစ်ခုက ဖြစ်တည်ပြီးရင် ဖျက်ဖို့မလွယ်တော့ ကိုယ် အခု လုပ်စရာတစ်ခုပဲရှိတော့တယ်။ အချိန်ဆိုတဲ့ သမားတော်ကို စောင့်ဖို့ပဲ တတ်နိုင်တော့တယ်။
ငှက်ကလေးက ကိုယ့်ကို တစ်ခါတစ်ရံလှည့်ကြည့်တဲ့အခါ ကိုယ့်စိတ်တွေ ကောင်းကင်ထိလွင့်ထွက်သွားအောင်ပျော်မှန်း ငှက်ကလေးမှ မသိတာ။ ငှက်ကလေးက ကိုယ့်ကို ပြုံးပြတဲ့အခါ အဲ့ဒီ့အပြုံးကိုကြည့်ဖို့ ကိုယ့်စိတ်ကိုယ်ဘယ်လောက်ထိ အားမွေးရတယ်မန်း ငှက်ကလေးမှ မသိတာ။ ကိုယ်က ငှက်ကလေးနဲ့ ပတ်သတ်လာရင်အရာရာကို ၇ူးတဲ့သူ။ ငှက်ကလေးသဘောကျတဲ့ဝလုံးလေးတွေ ကို တောင် မုန်းတဲ့သူ။ ဝ လုံးလေးတွေဟာ ငှက်ကလေးရဲ့ အချစ်နဲ့ပတ်သတ်တယ်လို့ သိလိုက်ရတဲ့ အခိုက်အတန့်မှာပဲ ကိုယ်ဟာ ဝလုံးလေးတွေကို ဝိုင်းအောင်ရေးဖို့ထက် လေးထောင့်ကျကျ ရေးတတ်ဖြစ်ခဲ့တာ။ ငှက်ကလေးနဲ့ပတ်သတ်လာရင် ကိုယ်က အဲ့ဒီ့လောက်ထိ ရူးတဲ့သူ။
ငှက်ကလေးရေ သဝန်တိုတယ်ဆိုတဲ့ခံစားချက်ကို ခံစားစေခဲ့လို့ ကျေးဇူးကွယ်။
(၃)
ဟော့ဒီ့ဝဲဘက်ရင်အုံက တဆစ်ဆစ်နဲ့ အောင့်ကိုက်နေတုန်း။ ငှက်ကလေးနဲ့ကိုယ့်ကြား စိတ်အကွာအဝေးကို တွေးမိလိုက်ရုံနဲ့ ရင်တစ်ခုလုံးနာတယ်။
ငှက်ကလေးနားမလည်တဲ့ ကိုယ်ဟာ အချစ်ရူးပါ။ ငှက်ကလေးအတွက်နဲ့ ရူးနေတဲ့ အချစ်ရူး။ တစ်ခါဖူးမှ မခံစားရသေးတဲ့ခံစားချက်အရောင်စုံစုံကို ငှက်ကလေးကြောင့် ခံစားမိလိုက်ရုံနဲ့ ငှက်ကလေးအပေါ် ရင်တစ်ခုလုံးပြိုမိခဲ့သူ။ စိတ်တစ်ခုလုံး ပုံအပ်မိသူ။ နှလုံးသားတစ်ခုလုံး ဆံတစ်ခြည်မျှင်စာနေရာတောင်မကျန်အောင် ငှက်ကလေးကို ထည့်ထားမိသူ။
ခုတော့ ဒီစိတ်အကွာအဝေးကို နီးအောင်လုပ်ဖို့ ကိုယ်လည်း တတ်နိုငမယ် မထင်ဘူး။
သံယောဇဉ်ဆိုတာ အသွားအပြန်ရှိသလား။ ဒီချိန်မှာတော့ ကိုယ် နယူတန်ကို ပြင်းပြင်းပြပြကို ယုံကြည်ချင်နေမိတယ်။ သူပြောတဲ့စကားက သက်ရောက်မှုတိုင်းမှာ တန်ပြန်သက်ရောက်မှုရှိသတဲ့။ ငှက်ကလေးရေ ငါ့ချစ်ခြင်းတရားရဲ့ ဆယ်ပုံတစ်ပုံလောက် ငါ့အပေါ်သက်ရောက်ပေးခဲ့ရင်ကောင်းမယ်။ ခုတော့ကွယ်….။
ဘာပဲဖြစ်ဖြစ်ပေါ့ ငှက်ကလေးရယ်။ ကြေကွဲဝမ်းနည်းမှု ဆိုတဲ့ ခံစားချက်ကို ရခဲ့လို့ ကျေးဇူးတင်တယ်။
(၄)
ငှက်ကလေးရေ၊ ငှက်ကလေးရေ လို့ အော်မြည်တမ်းတနေမှုမှာ ငှက်ကလေးဆီက လိုချင်ဆန္ဒမပါဘူးလို့ ကိုယ်ထင်ထားခဲ့မိတာ။ မဟုတ်ဘူး။ မဟုတ်ဘူးကွယ်။ ငှက်ကလေးဆီက ပြင်းပြင်းပြပြ လိုအပ်နေမှုက ငှက်ကလေးဆီက ချစ်ခြင်းတရားတဲ့လေ။ ငှက်ကလေးရေ ကိုယ်သာ ကလေးလေးဆိုရင်လေ ဖိုးလမင်းဆီက ထမင်းဆီဆမ်းတောင်းသလိုမျိုး ငှက်ကလေးဆီက ချစ်ခြင်းကိုတောင်းခံမိမှာ။ ခုတော့ ကိုယ့်မှာ သိစိတ်တွေရှိနေတယ်။ အသိတရားတွေရှိနေသတဲ့လေ။
ငှက်ကလေးကို ချစ်တယ်လို့ပဲ ခပ်တိုးတိုးလေးရေရွတ်နေမိတယ်။ ငှက်ကလေး မကြားနိုင်မှန်းလည်း သိပါရဲ့။ ကိုယ့်အပေါ်ကို ပြန်သက်ရောက်မလာမယ့် ချစ်ခြင်းတစ်ခုမှန်းလည်း သိပါရဲ့။ ဒါပေမယ့်လည်း ကိုယ် မတားမြစ်နိုင်ဘူး။ မတားမြစ်နိုင်ဘူးလေ။
ခု ကိုယ်စောင့်နေတဲ့ အရာက အချိန်။ ဟုတ်တယ်။ အချိန်ဆိုတဲ့ သမားတော်က ကိုယ့်နှလုံးသားကို ကုစားပေးမယ်ထင်တာပဲလေ။ အချိန်ကို တိုက်ခိုက်နိုင်တဲ့သူ ဘယ်သူမှ မရှိသေးဘူးတဲ့။ သေသောသူကြာလျှင်မေ့ ဆိုတဲ့စကားလေးနဲ့ အချိန်ကို အထူးပြုထားကြတယ်။
ဒါဆိုရင် အချစ်က အချိန်ကို တိုက်ခိုက်နိုင်တဲ့ အရာတစ်ခုလား။
မကြာမြင့်တဲ့ တွေ့ဆုံခွင့်တစ်ခုမှာ အချစ်တစ်ခု ဖြစ်တည်တယ်ဆိုကတည်းက အချစ်က အချိန်ကို တိုက်ခိုက်နိုင်သူပေါ့နော်။ ဒါဆို ဒီတစ်ခါလည်း အချစ်ကပဲ နိုင်မယ်ထင်ပါရဲ့။ ဒါမှမဟုတ် အချိန်က နိုင်လေမလား။
ကိုယ်တို့ အချိန်တစ်ခုလောက်စောင့်ပြီး ဘယ်သူနိုင်မလဲ ကြည့်ကြတာပေါ့။
ငှက်ကလေးရေ ထပ်ပြောပါရစေ။ ကျေးဇူးတင်တယ်လို့။
အချစ်ကို ခံစားစေခဲ့လို့ပါ။
ရည်ဝေ
No comments:
Post a Comment
မင်္ဂလာပါ စာတွေ လာဖတ်ပေးလို့ ကျေးဇူးပါနော်